ترزا می برگزیت موقاویله سی ایله باغلی پارلامئنتدن واخت ایستهدی
بؤیوک بریتانیانین باش ناظیری ترزا می آوروپا بیرلیگی ایله الده اولونان "برگزیت" (بریتانیانین آوروپا بیرلیگیندن آیریلماسی) موقاویلهسینده پارلامئنتین طلب ائتدیگی دییشیکلیکلری حیاتا کئچیرمک اوچون واخت ایستهدی.
بؤیوک بریتانیانین باش ناظیری ترزا می آوروپا بیرلیگی ایله الده اولونان "برگزیت" (بریتانیانین آوروپا بیرلیگیندن آیریلماسی) موقاویلهسینده پارلامئنتین طلب ائتدیگی دییشیکلیکلری حیاتا کئچیرمک اوچون واخت ایستهدی.
بؤیوک بریتانیانین باش ناظیری ترزا می اؤتن هفته بروکسل-ده، دوبلین و بلفاست-دا آپاردیغی دانیشیقلارلا باغلی پارلامئنته معلومات وئردی.
می آوروپا بیرلیگی ایله الده اولونان برگزیت موقاویلهسینده "تدبیر مادهسی" ایله باغلی دانیشیقلاردا حل ائدیجی بیر مرحلهیه چاتیلدیغینی بیلدیرهرک:" آوروپا بیرلیگی ایله دانیشیقلارین داوامینی تامین ائتمیشیک، ایندی بو مرحلهنی باشا چاتدیرماق اوچون بیر آز علاوه واختا احتیاجیمیز وار. دانیشیقلار کریتیک بیر مرحلهدهدیر. ایندی پارلامئنتین ایستدیگی دییشیکلیکلری تامین ائتمک و "برگزیت"ی واختیندا حیاتا کئچیرمک اوچون هامیمیز سینیرلری جیلوولامالیییق" دئیه دانیشدی.
حکومتین جومه گونو پارلامئنتده سس وئرمهیه چیخاریلاجاق دییشیکلیکلر تکلیفلرینه علاوهلر تقدیم ائدجگینی بیلدیرن می "برگزیت" موضوع سونداکی کریتیک سس وئرمهنین بو آیین سونونا دوغرو کئچیریله جگینی بیلدیردی.
آوروپا بیرلیگی ایله دانیشیقلارین فوریه نین 26-ا قدر داوام ائدجگینی بیلدیرن باش ناظیر بو تاریخده پارلامئنته یئنی معلوماتلار وئرجگینی وورغولادی.
می زامانلا اویناماقدا گوناهلاندیران آنا موخالیفتدکی فهله پارتیسینین لیدری جرمی کوربین ایسه، حکومتین پارلامئنته یالنیز یئنی بهانهلر و گئجیکدیرمهلر تقدیم ائتدیگینی بیلدیردی.
کوربین می ین مقصدینین یارانان زامان تضییقی آلتیندا پارلامئنته اؤز موقاویلهسینی قبول ائتدیرمک اولدوغونو سؤیلهدی.
قئید ائتمک لازیمدیر کی، ترزا می پارلامئنتین ژانویه نین 15-ده قبول ائتمه دیگی "برگزیت" موقاویلهسینی نظردن کئچیرمک اوچون کئچن هفته بروکسل-ده بیر سیرا گؤروشلر کئچیریب، لاکین مثبت جاواب آلا بیلمهییب. بونا باخمایاراق، بؤیوک بریتانیانین موذاکیره هئیتی ایله آوروپا بیرلیگی آراسیندا دانیشیقلار داوام ائدیر.
اینگیلتره معین اولونموش تاریخه گؤره، آوروپا بیرلیگیندن مارسین 29-دا آیریلاجاق.
ایلگیلیلی خبرلر
بمت اوکراینادا آرتان هوجوملارلا باغلی خبردارلیق ائدیب
بمت تهلوکهسیزلیک شوراسیندا اوکرایناداکی اینسانی وضعیتله باغلی حادثهلر موذاکیره ائدیلیب.