بیر تورک آمریکادا بلدیه باشقانی سئچیلدی
سلن، آمریکادا بلدیه باشقانی کورسوسونه اوتوران ایلک تورک اولدو
آمریکا بیرلشمیش دؤولتلری نیوجرسی ایالتینه باغلی چتم بؤلگهسی بلدیه باشقانی تایفون سلن سئچیلدی.
آمریکا وطنداشی دا اولان و ۲۰۱۷دن بو یانا چتم بلدیه کمیتهسینین عضوو اولان سلن، کمیتهده ائدیلن بلدیه باشقانی سئچیمیندن غالب چیخدی.
سلنین سئچیلمه خبرینی، تورکیهنین نیویورک باش کونسوللوغو تویتر حسابیندان،
"نیوجرسییه باغلی چتم بلدیه باشقانلیغینا سئچیلن سایین تایفون سلنی تبریک ائدیر، اوغورلارینین داوامینی دیلهییریک" مئساژی آتدی.
داها اول چتمدا بلدیه کمیتهسینین عضوو ایلک تورک آدینی داشییان سلن، بو دفعه ده آمریکادا بلدیه باشقانی کورسوسونه اوتوران ایلک تورک اولدو.
وظیفه مدتی دولان چتمین اؤنجهکی بلدیه باشقانی کورت ریتر، ۴.جو دفعه بو وظیفه اوچون نامیزد اولمایاجاغینی بیلدیرمیشدی.
چتمدا قانونلارا گؤره خالق ۳ ایله ۵ عضودن اولوشان بلدیه کمیتهسینی سئچیر. کمیته ایسه بلدیه باشقانینی تعیین ائدیر.
جمهوریتچی پارتی عضوو اولان و ۱۵ ایلدیر چتمدا یاشایان سلن، ایستانبول تکنیک اونیورسیتهسینین معمارلیق فاکولتهسینی بیتیردی.
نیوجرسیدهکی اونیورسیتهده ایشلنمه آلانیندا یوکسک لیسانس بیتیرن سلن، بیر اوخولون ایدارهچیلیگینده باشقان یاردیمچیسیدیر.
سلن، ائولی و ۱ اوشاق آتاسیدیر.