لیبینین باشکندی طرابلوسدا اینتیحار سالدیریسیندا 2 نفر اؤلدو
آلینان معلوماتا گؤره، ترور تشکیلاتی داعش عضولری اولدوغو احتیمال ائدیلن سیلاحلی بیر قروپ ناظیرلیک بیناسینا گیرهرک اطرافا آتش آچدی
لیبینین باشکندی طرابلوسدا خاریجی ایشلر ناظیرلیگی بیناسینا تشکیل ائدیلن اینتیحار سالدیریسیندا 2 نفر اؤلدو.
میللی آنلاشما حکومتینه باغلی پولیس قایناقلاری، خاریجی ایشلر ناظیری اوفیسینین ده یئر آلدیغی مرکز بینانین هدف آلیندیغی سالدیریدا خاریجی ایشلر ناظیرلیگیندکی ایسلامی ایداره مودیری ایبراهیم الشایبی و مراکش اصیللی بیر تمیزلیک ایشچیسینین اؤلدوگونو بیلدیریب.
خاریجی ایشلر ناظیرلیگی قایناقلاریندان آلینان معلوماتا گؤره، ترور تشکیلاتی داعش عضولری اولدوغو احتیمال ائدیلن سیلاحلی بیر قروپ ناظیرلیک بیناسینا گیرهرک اطرافا آتش آچدی.
سیلاحلی شخصلر داها سونرا اوستلرینده اولان پارتلاییجیلاری پارتلاتدی.
سالدیرینین باش توتدوغو زامان خاریجی ایشلر ناظیری محمد الطاهر سیالهنین بینادا اولمادیغی، میللی آنلاشما حکومتینه پرزیدنتلیک شوراسینین باشقانی فایز السراج ایله اؤلکهنین غربیندکی زاویه شهرینه سفر ائتدیگی قئید ائدیلیب.