ایکی پلیس قاتار آلتیندا قالدی

آمریکا بیرلشیک دؤولتلرینین شیکاگو شهرینده بیر بیلدیریشی دگرلندیرمک اوچون حادثه یئرینه گئدن ایکی پلیس مأمورو قاتار چارپماسی سونوجو حیاتینی ایتیردی.

کمیسر ادی جانسون، ترن ریللرینه دوغرو گئدن بیر نفرین ایزینی سوره‌ن ۳۷ یاش‌لی ادواردو مارمولژو و ۳۱ یاش‌لی کونراد گری آدلی پلیس مأمورلارینا قاتار چارپدیغینی قید ائد‌رک ایکی مأمورون دا اؤلدویونو سؤیله‌دی.

جانسون، قاتارین چارپما آنین‌دا بؤیوک احتیماللا ساعات‌دا ۱۰۰ ایله ۱۱۰ کیلومتر سرعتله گئتدیگینی بیلدیردی.

پلیسلرین آختاردیغی شخصین داها سونرا گؤزآلتینا آلیندیغینی و سلاحینین اله گئچیریلدیگینی ایفاده ائد‌ن جانسون، سوروشدورمانین هله باشلانغیج مرحله‌سین‌ده اولدوغونو قید ائتدی.

پلیس مأمورلارینین، "شات‌سپوتر" آدی وئریله‌ن و سلاحلا آتیش ائدیله‌ن‌ده حادثه‌نین هارادا باش وئردیگینی معین ائد‌ن بیر سیستمین‌دن گلن اویاری اوزرینه حادثه یئرینه گئتدیگی بیلدیریلدی.