ایچ ایشلری باخانی عصیان ائتدی
"گؤستریلرین باشلانغیجین‌دان بو یانا ۸ نفر حیاتینی ایتیردی"
فرانسا ایچ ایشلری باخانی کریستوف کاستانر، ساری جیلیتقالیلارین ائیلملرینه عصیان ائتدی.
کاستانر،
"گؤستریلرده ۸ نفر اؤلدو. سون ۳۰ ایلده بو قدر اینسانین اؤلدویو باشقا بیر سوسیال پروبلئم بیلیرسینیز می؟ یئتر آرتیق" دئدی.
کریستوف کاستانر، باشکند پاریسین نانتر بؤلگه‌سینده ساری جیلیتقالیلارین گؤستریلری حاقین‌دا آچیقلامالار وئردی.
ساری جیلیتقا‌لی اؤلکهده یوللاردا ائتدیکلری قاپاتما ائیلملرینین دوردورولماسی لازیم اولدوغونو وورغولایان کاستانر،
"گؤستریلرین باشلانغیجین‌دان بو یانا ۸ نفر حیاتینی ایتیردی. سون ۳۰ ایلده بو قدر اینسانین اؤلدویو باشقا بیر سوسیال سورون بیلیرسینیز می؟ آچیق دئییرم یئتر آرتیق" دئدی.
کاستانر، قاپادیلان یوللارین آچیلماسی اوچون اؤتن هفته باشلایان ایشلرین داوام ائدجگینی ایفاده ائد‌رک،
"یوللاری باغلایاراق اؤلکه اقتصادینی فلج ائتمه‌یی داوام ائتدیره‌بیلمریک" دئیه دانیشدی.
ساری جیلیتقا‌لیلار، پرزیدنت امانوئل مکرونون آچیقلامالارینی یئترلی گؤرمه‌یرک جمعه ارته‌سی گونو ۵.جی دفعه کوچه‌لره تؤکولموشدو.
یاناجاق قیمتینین آرتیشینا و اقتصادی شرایطین پیسلشمه‌سینه تپکی اولاراق ۱۷ نوامبردا باشلایان، آنجاق داها سونرا مکرون یؤنتیمینه قارشی اؤفکه و عصیانا چئوریله‌ن ساری جیلیتقالیلارین ائیلمی، اؤلکهده سون ایللرین ان شدت‌لی اعتراضی حالینا گلدی.
عمومیتله شهر مرکزلرین‌ده‌کی یوکسک ایجاره‌لر ایله ایلگیلی اطراف بؤلگه‌لره یئرلشنلردن اولوشان گؤستریجیلر، مکرون و یؤنتیمین‌دن اقتصادی شرطلرین یاخشیلاشدیریلماسینی طلب ائدیر.
ساری جیلیتقا‌لیلار، بونون یانیندا اؤلکهده حیاتلارینی یاخین‌دان ایلگیلندیره‌جک مسئله‌لر و بونونلا باغلی چیخاجاق قانونلارین رفراندوم یولو ایله خالقا وئریلمه‌سینی ایسته‌ییر.
ائیلملرده بو آنا قدر ۸ نفر حیاتینی ایتیررکه‌ن، تخمیناً ۴ مین ۳۴۱ نفر گؤزآلتینا آلیندی، مین‌دن چوخ انسان یارالاندی.
اولوسال آلیش وئریش مرکزلری شوراسین‌دان وئریلن یازی‌لی آچیقلامادا، ساری جیلیتقا‌لیلار ائیلملرینین باشلادیغین‌دان بو یانا آلیش وئریش مرکزلرین‌ده‌کی مشتری ساییسین‌دا اؤنم‌لی آزالما باش وئردیگی بیلدیریلدی.
آچیقلامادا، ۸۰۰ آلیش وئریش مرکزینین اولدوغو اؤلکهده گؤستریلر سببیله ۲۸۰ مرکزین اوغرادیغی ضررین ۲ میلیارد یورو اولدوغو قید ائدیلدی.
اتوبان ایشلتمه‌چیسی وینسی ده وئردیگی یازی‌لی آچیقلامادا، ائیلملرین یوللاردا میلیونلارجا یورو زیانا سبب اولدوغونو بیلدیردی.
