آوروپا بیرلیگیندن برگزیت آچیقلاماسی
آوروپا بیرلیگی کمیسیونونون سؤزچوسو مینا آندریوا دا اینگیلتره ایله یئنی بیر "برگزیت" موقاویلهسینین موذاکیره ائدیلمهیهجگینی بیلدیردی.
آوروپا بیرلیگی شوراسینین صدری دونالد توسک 13-14 دسامبر تاریخلرینده کئچیریلهجک آوروپا بیرلیگی لیدرلر ذیروه سینین گوندم مسئلهلری آراسینا "برگزیت"ین ده علاوه اولوندوغونو بیلدیردی.
توسک تویتر حسابی واسطهسیله بو آچیقلامانی وئردی: "برگزیت" موقاویلهسینی و تدبیر مادهسینی یئنیدن موذاکیره ائتمهیهجییک. بو موقاویلهنین اینگیلتره طرفیندن تصدیقلمهسی پروسهسینین اوپتیماللاشدیریلماسی مسئلهسینه باخاجاغیق. واخت دارالیر، بو سببدن آوروپا بیرلیگی-نین "موقاویلهسیز سناریویا نه درجهده حاضر اولدوغونو دا موذاکیره ائدجییک".
"تدبیر مادهسی" آوروپا بیرلیگی عضوو ایرلند جمهوریتی ایله ایله اینگیلترهنین حیسهسی اولان قوزیی ایرلند آراسیندا "برگزیت"دن سونرا فیزیکی سرحدین یارانماسینین قارشیسینی آلماغی نظرده توتور.
بو ماده ایله بوتون اینگیلترهنین غیری -معین مودتده آوروپا بیرلیگی و گؤمروک بیرلیگینین ترکیبینده قالاجاق.
دیگر طرفدن، آوروپا بیرلیگی کمیسیونونون سؤزچوسو مینا آندریوا دا اینگیلتره ایله یئنی بیر "برگزیت" موقاویلهسینین موذاکیره ائدیلمهیهجگینی بیلدیردی.
مینا آندریوا بونو آوروپا بیرلیگی کمیسیونوندا کئچیریلن گوندهلیک مطبوعات کنفرانسیندا دیله گتیردی.
اینگیلترهنین 29 مارس 2019-جو ایل تاریخیندن اعتباراً آیریلاجاغینی خاطیرلادان سؤزچو: "برگزیت"له علاقهدار آوروپا بیرلیگی شوراسی طرفیندن نوامبرین 25-ده تصدیق ائدیلمیش موقاویله واردیر. آوروپا بیرلیگی کمیسیونونون صدری ژان کلود یونکرین دئدیگی کیمی، بو، مومکون اولان ان یاخشی و یگانه راضیلاشمادیر. یئنی موقاویلهنی موذاکیره ائتمهیهجییک" دئیه قئید ائتدی.