امانوئل ماکرون بو گون سندیکا نومایندهلریله گؤروشهجک
پرزیدنت ماکرون "ساری جیلیقالیلار"ین اعتراضلاری ایله علاقهلی اولاراق بو گون سندیکا نوماینده لری ایله گؤروشهجک.
فرانسادا یاناجاغین باهالاشماسینا رئاکسیا ایله باشلایان، لاکین داها سونرا پرزیدنت امانوئل ماکرونا و حکومته قارشی غضبه چئوریلن "ساری جیلیقالیلار"ین اعتراضلاری پایتاخت پاریس-ین کوچهلرینی قاریشدیرمیشدی.
پرزیدنت ماکرون "ساری جیلیقالیلار"ین اعتراضلاری ایله علاقهلی اولاراق بو گون سندیکا نوماینده لری ایله گؤروشهجک.
ماکرون آخشام ساعات لاریندا ایسه تلویزیون واسطهسیله "ساری جیلیقالیلار"ین طلبلرینه اویغون اولاراق حاضرلانان یئنی تدبیرلر پلانینی آچیقلایاجاق. او، سککیز گونلوک سوکوتدان سونرا اهالینین آلیش قابیللیتینین آرتیریلماسینا کؤمک ائدهجک یئنی تدبیرلری تقدیم ائدهجک.
احتیمالا گؤره، یئرلی حکومت خصوصیله یاشلی لارین مینیموم تقاودونو آرتیراجاق، همچنین یاشاییش یئرینه گؤره اؤدنیلن وئرگی آزالدیلاراق اوولکی حکومتین دؤوروندکی شرطلره قایتاریلاجاق و گلیر وئرگیسی ایسه آزالدیلاجاق.