آمریکا اوچاقلاری هاوادا توققوشدو
تانکر اوچاغی ایله ساواش اوچاغی تعلیم اوچوشو سیراسیندا توققوشدو و دوشدو
آمریکا دنیزچیلرینه عاید ایکی اوچاق، ژاپن ساحللرینه توققوشدو.
دنیز قوموتانلیغین‌دان وئریلن آچیقلامادا، ژاپونون ایواکونی هاوا مرکزینده اولان کاسی-۱۳۰ تیپی تانکر اوچاغی ایله اف/آ-۱۸ تیپی ساواش اوچاغینین تعلیم اوچوشو سیراسیندا توققوشدوغو و دوشدوگو قید ائدیلدی.
آچیقلامادا،
"۶ دسامبردا (ژاپن ساعاتی ایله) ۰۲.۰۰دا ژاپون سولاریندا سانحه‌یه قاریشان آمریکا دنیز پیادالاری اوچاقلارینا یؤنه‌لیک آختارما قورتارما ایشلری داوام ائدیر. قضادا یارالانان بیر پرسنل ژاپن دنیز ساوونما قوه‌لری طرفین‌دن قورتاریلدی" ایفاده‌سینه یئر وئریلدی.
اوچاقلارین توققوشماسینین سببی حاقین‌دا سوروشدورما آچیلدیغی قید ائدیلدی.
دیگر طرف‌دن آمریکا دونانماسینین "یواس‌اس مک‌کمپل" آدلی گودوملو موشک گمیسینی ژاپن دنیزین‌ده روسیانین حاق ادعا ائتدیگی بؤیوک پتر کؤرفزینه سؤوق ائتدیگی بیلدیریلدی.
آمریکا دونانماسینین آچیقلاماسین‌دا ساواش گمیسینین، روسیانین کؤرفز اوزرین‌ده‌کی ادعالارینا قارشی "سربست حرکت عملیاتی" اوچون گؤندریلدیگی بیلدیریلدی.
