اینگلتره اوچاقلاری روس اوچاقلارینا قارشی هاوایا قالدیریلدیغی ادعا ائدیلیب
خبرلرده، تیفون تیپی 2 اینگیلیس ساواش اوچاغینین اؤلکهنین هاوا ساحهسینه یاخینلاشان 2 روس بومباردمان اوچاغینی انگللمک اوچون هاوایا قالخدیغی بیلدیریلیب
اینگلتره کرالیت هاوا گوجلرینه(RAF) عائید اوچاقلارین اؤلکهنین هاوا ساحهسینه یاخینلاشان روس بومباردمان اوچاقلارینا قارشی هاوایا قالدیریلدیغی ادعا ائدیلیب.
اینگیلیس مطبوعاتیندا یئر آلان خبرلرده، تیفون تیپی 2 اینگیلیس ساواش اوچاغینین اؤلکهنین هاوا ساحهسینه یاخینلاشان 2 روس بومباردمان اوچاغینی انگللمک اوچون هاوایا قالخدیغی بیلدیریلیب.
روس اوچاقلارینین شمال دنیزی اوزرینده 10 ساعاتلیق بیر اوچوش ائتدیگی ایفاده ائدیلن خبرلرده، اینگیلیس ساواش اوچاقلارینین اؤلکه هاوا مکانینین پوزولماسی احتیمالینا قارشی هاوایا قالدیریلدیغی قئید ائدیلیب.
اینگیلیس ساوونما ناظیرلیگی ده اوچاقلارین لاسیموث هاوا لیمانیندان قالخدیغینی تصدیق ائدرکن، عملیاتین "بیر، یا دا ایکی هویتی بلیرلنه'مه'ین اوچاغا" قارشی آپاریلدیغینی قئید ائدیب.
اینگیلیس هاوا ساحهسینه قارشی تهدیدین سؤز موضوعسو اولمادیغی بیلدیریلن آچیقلامادا، اینگیلیس اوچاقلارینین بازالارینا گئری قاییتدیغی وورغولاندی.
سپتامبر آییندا دا اینگیلیس و فرانسیز نیظامی هاوا گوجلرینه مخصوص اوچاقلار، شمال دنیزی اوزرینده اینگیلتره هاوا ساحهسینه گیرن روس اوچاقلارینی انگللمیشدی.
اینگیلیس اوچاقلاری، آوقوست آییندا دا قارا دنیز اوزرینده رومانیایا یاخین بیر بؤلگهده روس اوچاقلارینی ایکی دفعه اؤنلمیشدی.