ترامپ بو حادثه‌نین تعقیبچی‌سی اولاجاق
"بوتون حقیقتلر الیمیزده اولان‌دان سونرا باشقان دونالد ترامپ، آمریکا خالقینین دیرلرینی و ا‌ؤنملی میلی چیخارلاریمیزی نظره آلاراق قرار وئره‌جک"
آمریکا باشقان یاردیمچیسی مایک پنس،مرکزی استخبارات تشکیلاتی مودورو جینا هاسپلین، عربیستان باش کونسوللوغون‌دا اؤلدورولن ژورنالیست جمال قاشیقچی ایله ایلگی‌لی سوروشدورما باغلامیندا دانیشیقلار آپارماق اوزره تورکیه‌ده اولدوغونو سؤیله‌دی.
پنس،
"(هاسپل)، دلیللری آراشدیریر. بوتون حقیقتلر الیمیزده اولان‌دان سونرا باشقان دونالد ترامپ، آمریکا خالقینین دیرلرینی و ا‌ؤنملی میلی چیخارلاریمیزی نظره آلاراق قرار وئره‌جک" دئدی.
قاشیق‌چی‌نین اؤلدورولمه‌سینی، "اؤزگور و باغیمسیز مطبوعاتا بیر سالدیری" سؤزلری ایله دگر‌لندیره‌ن پنس، باشقان دونالد ترامپ رهبرلیگینین بو حادثه‌نین تعقیبچی‌سی اولاجاغینی بیلدیردی.
واشینگتن پست قزئتی یازاری سعودی ژورنالیست جمال قاشیقچی، ۲ اکتبر ۲۰۱۸ چرشنبه آخشامی، رسمی ایشلری اوچون عربیستانین ایستانبول باش کونسول‌لوغونا گئتدیکدن‌دن سونرا یوخا چیخمیشدی.
