آمریکا ایسرائیله دستگینی داوام ائتدیریر
آمریکا ایسرائیله قارشی سیاستینین دگیشمدیگینی و بو اؤلکه‌یه دستگینین داوام ائدجگینی آچیقلاییب.
آمریکا ایسرائیله قارشی سیاستینین دگیشمدیگینی و بو اؤلکه‌یه دستگینین داوام ائدجگینی آچیقلاییب.
آغ ائوین سؤزچوسو کارین ژان-پیرر گون‌ده‌لیک مطبوعات کونفران‌سین‌دا ژورنالیستلرین سواللارینی جوابلاندیریب و آمریکانین ایسرائیله دستگین‌دن دانیشیب.
یاخین شرق‌ده "گرگینلیگین" آرتماسین‌دان سونرا آمریکانین ایسرائیله سیلاح دستگینین دایاندیریلماسی طلبلری ایله باغلی سوالا ژان-پیر"آمریکا سیاستینین دییشمدیگینی" قئید ائدیب.
سؤزچو ژان-پیر دئییب: "ایسرائیلین تهلوکسیزلیگینه صادیقلیگیمیز سارسیلمازدیر و بو، دگیشمه‌ییب. بیز ایسرائیلین تهلوکسیزلیگینی دستکله‌مه‌یه داوام ائتمه‌یه سادیقیک."
ژان-پیر ده بؤلگه‌ده "دیپلوماتیک حل" گؤرمک ایستدیکلرینه دقت چکه‌رک، "بونون الده ائدیله‌بیله‌جگینه اینانیریق و بو شکیل‌ده داوام ائتمک ایستییریک" قیمتلن‌دیرمه‌سینی ائتدی.
ایسرائیله قئید-شرط‌سیز دستک وئردیگی اوچون تنقید ائدیلن آمریکا رهبرلیگی آوقوستون اورتالارین‌دا وئردیگی آچیقلاما ایله بو اؤلکه‌یه 5 آیری پاکئت‌ده جمعی 20 میلیارد دولارلیق سیلاح ساتیشینی تصدیقله‌ییب.
عمومی دگری 18.9 میلیارد دولار اولان 50 عدد ف-15 ی.ای و عدد25 ف-15 ای ساواش اوچاغی و اونلارا عایید ساواش مهماتلاری بوتون ساتیشین ان بؤیوک حیسه‌سینی تشکیل ائدیب.
دیگر طرف‌دن، 30 عدد اورتا منزیل‌لی هاوادان-هاوایا راکئت سیستئمی (آمراام) و 32 مین‌دن چوخ تانک مرمیسی و دیگر اویغون تجهیزاتلار دیگر پاکئتلره داخیل ائدیلیب و بونلارا علاوه اولاراق، 50 مین‌دن چوخ توپ ساتیشی حیاتا کئچیریلیب. مرمی و علاقدار تجهیزاتلار دا آیری بیر پاکئت کیمی تصدیق ائدیلمیش‌دیر.
عمومی ساتیش دیری 20.3 میلیارد دولار اولان پاکئت غزه‌ده آتیشکس پروسه‌سینین غیری-معین قالدیغی و بؤلگه‌ده گرگینلیین آرتدیغی بیر دؤنم‌ده تصدیقلنیب.
