فرانسادا مین‌لرله امکلی اعتراضا قالخدی

فرانسادا 9 سندیکا و 6 درنگین چاغیریشی ایله مین‌لرله امکلی اعتراض یوروشونه چیخیب.

پرزیدنت امانوئل ماکرونون تطبیقه قویدوغو "مجبوری کسینتی‌لر"ه قارشی چیخان و معاش لارینین آرتیریلماسینی طلب ائدن امکلیلر بو ایل دؤردونجو دفعه‌دیر کی، میللی آکسیا گونونده نوماییشه قالخیر.

پایتاخت پاریس‌دکی اوپرا میدانیندا توپ‌لانان 15 مین آدامین یوروشو جمهوریت (Republique) میدانیندا سونا چاتیب.

امکلیلر و میتینگین تشکیلاتچی‌لاری اولان سیندیکا نماینده‌لری پرزیدنت ماکرونون سئچکی وعدلری آراسیندا اولان و "ایشچی‌لرین سیغورتا اؤدمه‌لرینی یونگوللش‌دیرمک اوچون عمومی تحفه" آدی ایله 1 ژانویه دن قوه‌یه مینن کسینتی‌لره اعتراضینی بیلدیریب.

ایقتیصادی وضعیتین گئتدیکجه پیسلشدیگی و یاشاییشین باهالاندیغی زاماندا ان چوخ اذیت چکن طبقه‌نین امکلیلر اولدوغو وورغولایا‌راق شعارلار سسلندیریب، اطراف‌داکی‌لار دا اونلارا دستک وئریب.

بنزر آکسیا و یوروش‌لر فرانسانین لیون، مارسل، بوردو، استراسبورگ و لیل شهرلرینده ده تشکیل اولونوب.