چین، آمریکا ایله بو آی کئچیریلمه‌سی پلان‌لاش‌دیریلان امنیت گؤروشونو لغو ائدیب
آمریکا ایله چین آراسیندا داوام ائدن تیجارت ساواش‌لاری، دیپلوماتیک موناسیبت‌لری ده تأثیر ائدیر
چین، آمریکا ایله بو آی کئچیریلمه‌سی پلان‌لاش‌دیریلان امنیت گؤروشونو لغو ائدیب.
آمریکا ایله چین آراسیندا داوام ائدن تیجارت ساواش‌لاری، دیپلوماتیک موناسیبت‌لری ده تأثیر ائدیر.
آمریکا مرکزلی نیویورک تایمز قزئتینده یئر آلان خبره گؤره آمریکادان یوکسک سویه‌لی بیر مسئول، پکین'ین بو آی آمریکا ساوونما ناظیری جیم متیس ایله کئچیریله‌جک امنیت گؤروشونو لغو ائتدیگینی آچیقلاییب.
لغو قراری آمریکانین چین'ه قارشی وئرگی تطبیق ائتمه‌سی و سون اولا‌راق چین دنیزی اوزرین‌دکی نیظامی اوچوشون آردین‌دان اولونوب.
آنجاق ایکی طرف‌دن ده لغوی‌نین سببینه قارشی رسمی بیر آچیقلاما گلمه‌دی.
لغو ائدیلن امنیت ایجلاسی‌نین باشقا بیر تاریخده یئنیدن برپا اولونوب اولونمایاجاغی ایسه بیلینمیر.
چرشنبه گونو کئچیریلن بیرلشمیش میللت‌لر امنیت شوراسی‌نین ایجلاسی زامانی آمریکا پرزیدنتی دونالد ترامپ، چینی اؤلکه‌سین‌دکی کونکره سئچیم‌لرینه موداخیله ائتمکده گوناهلاندیرمیش، چین خاریجی ایشلر ناظیری وانگ ناهاردان اتهام‌لاری رد ائتمیشدی.
جمعه گونو مطبوعات آچیقلاماسی ائدن وانگ، پکین و واشینگتون آراسیندا یوکسه‌لن گرگینلیغین تشویشه سبب اولماماسی لازیم اولدوغونو سؤیلمیش، آنجاق چین'ین شانتاژلارا بویون ایمیه'جگینی ایفاده ائتمیشدی.
