سوریه آنایاساسی ایله باغلی توپلانتی لار باشا چاتدی
بمت-نین سوئیس-ده کی ژنو بوروسوندا کئچیریلن توپلانتی‌لاردان سونرا میستورا و قاتیلان اؤلکه‌لردن هئچ بیر آچیقلاما وئریلمه‌دی.
بیرلشمیش میللت‌لر تشکیلاتی‌نین سوریه عذره خصوصی نماینده‌سی استفان دی میستورا ایله ضمانتچی اؤلکه‌لر -تورکیه، روسیا و ایران‌دان اولان رسمی‌لرین کئچیردیگی سوریه آنایاسا کومیته‌سینه عایید توپلانتی‌لار باشا چاتدی.
بمت-نین سوئیس-ده کی ژنو بوروسوندا کئچیریلن توپلانتی‌لاردان سونرا میستورا و قاتیلان اؤلکه‌لردن هئچ بیر آچیقلاما وئریلمه‌دی.
میستورانین سپتامبرین 18-ده بمت تهلوکه‌سیزلیک شوراسینی ژنو گؤروشلری حاقییندا معلوماتلاندیراجاغی اؤیرنیلدی.
ژنوده ایکی گون داوام ائدن توپلانتی‌لاردا تورکیه-نی خاریجی ایشلر ناظیری‌نین معاوینی سدات اؤنالین رهبرلیک ائتدیگی هئیت، روسیانی سوریه عذره خصوصی نماینده آلکساندر لاورنتیو و روسیا خاریجی ایشلر ناظیری‌نین معاوینی سرگئی ورشینین، ایرانی هئیتینی خاریجی ایشلر ناظیری‌نین معاوینی حسین جابری انصاری تمثیل ائتدی‌لر.
بمت-نین خصوصی نماینده‌سی میستورا جمعه گونو "کیچیک قروپ" آدلاندیردیغی میصر، فرانسا، آلمانیا، اردن، سعودی عربیستانی، اینگیلتره و امریکا نماینده‌لری ایله گؤروشه‌جک.
قئید ائدک کی، ضمانتچی اؤلکه‌لرین ژوئیه آییندا روسیادا کئچیردیک‌لری توپلانتی‌نین یئکون بیاننامه‌سینده آنایاسا کومیته‌سی‌نین یارادیلماسی‌نین اهمیتی وورغولانمیشدی.
سوریه-ده 7 ایلدیر داوام ائدن ایچ ساواشا سون قویماق اوچون بمت-نین چتیری آلتیندا کئچید دؤورو رهبرلیگی، آنایاسا، سئچکی‌لر و تروریزمله موباریزه‌دن عبارت 4 باش‌لیق اطرافیندا گؤروش‌لر کئچیریلیر.
ایلگیلی‌لی خبرلر
پسکوو باتی اؤلکه‌لرینین اوکراینا قوشون یئریتمک ایسته‌یینی دیرلندیریب
کرملین سؤزچوسو دمیتری پسکوو: بو، اصلینده، ناتو عسگرلرینین روس عسگرلرینه قارشی قویماسیدیر
