ماکرون:" اسد رژیمینین دستکلنمهسی سهو سیاستدیر"
فرانسا پرزیدنتی امانوئل ماکرون سوریه-ده بشار اسد رژیمینین دستکلنمهسینین سهو سیاست اولدوغونو سؤیلهدی.
فرانسا پرزیدنتی امانوئل ماکرون سوریه-ده بشار اسد رژیمینین دستکلنمهسینین سهو سیاست اولدوغونو سؤیلهدی.
امانوئل ماکرون فرانسیز سفیرلری ایله کئچیردیگی گؤروشده آچیقلاما وئرهرک، اسد رژیمی شیمیایی سلاحدان ایستیفاده ائدجگی تقدیرده سوریه-ده یئنی هاوا هوجوملاری باشلاتماغا حاضر اولدوقلارینی دئییب.
امانوئل ماکرون "حساب ائدیرم کی، اسدین دستکلنمهسی سناریوسو بؤیوک بیر سهو اولاجاق، میلیونلارلا اینسانین قاچقین اولماسینا کیم سبب اولور، اؤز خالقینی کیم اؤلدورور" دئیه بیلدیریب.
فرانسانین گلهجکدکی سوریه رهبرلرینی تعیین ائده بیلمهیهجگینی وورغولایان ماکرون، آنجاق سوریه خالقینین بونو ائده بیله جگیندن آرخایین اولماغین اؤزلرینین وظیفهسی و خئیرینه اولاجاغینی دئییب.
ماکرون آیریجا، آوروپا بیرلیگی نین (آی) اؤز تهلوکهسیزلیگینی گوجلندیرمک اوچون یئنی تکلیفلر تقدیم ائده بیله جگینی و ایندی ده آوروپانین امریکایا اعتیماد ائتمهسینه سون قویماسینین واجیبلیگینی دیله گتیریب.
"آوروپا بیرلیگینین مودافعهسی امریکادا آسیلی اولمامالیدیر"، - دئیه بیلدیرن ماکرون آوروپانین مودافعهسیله علاقهلی بوتون فعالیتلرین قاره ده کی بوتون اؤلکهلر ایله روسیانی دا احاته ائتمهسینین لازیم اولدوغونو قئید ائدیب.