شیکاگو کنتینده، سون ایکی گونده سیلاحلی سالدیریلاردا 9 نفر اؤلدو
شیکاگو پولیسی، آمریکانین ان بؤیوک موسیقی فستیواللاریندان "لوللاپالوزا"نین وئردیگی هفته سونوندا باش وئرن سیلاحلی سالدیریلارا دایر بیانات وئریب
آمریکانین شیکاگو کنتینده، سون ایکی گونده ائدیلن سیلاحلی سالدیریلاردا 9 نفر اؤلدو، 60 نفر یارالاندی.
شیکاگو پولیسی، آمریکانین ان بؤیوک موسیقی فستیواللاریندان "لولاپالوزا"نین وئردیگی هفته سونوندا باش وئرن سیلاحلی سالدیریلارا دایر بیانات وئریب.
پولیس، شهرده جمعه آخشامی ایله بازار گئجهسی آراسیندا حیاتا کئچیریلن سیلاحلی سالدیریلاردا 9 نفرین اؤلدوگونو، 60 نفرین ده یارالاندیغینی بیلدیرهرک، اؤلنلرین آراسیندا 17 یاشیندا بیر گنج قیز، یارالیلار آراسیندا دا 11 یاشیندا بیر اوغلان اوشاغی تاپدیغینی بیلدیریب.
ان چوخ سالدیرقان، شهرین جنوب و غرب بؤلگه لرینده بازار گونو کئچیریلیب. ان قانلی بازار گونلریندن بیرینین یاشاندیغی شیکاگودا یالنیز 7 ساعت عرضینده 4 نفر اؤلدورولدو، 40 نفر ده یارالانیب.
سیلاحلی سالدیریلار سببیله تورکیهنین شیکاگو باش کونسوللوغو دا سوسیال مئدیا حسابلاریندان، تورک وطنداشلارینی شهرین جنوب و غربینده محلهلره گئتممهلری بارهده خبردارلیق ائدیب.
شیکاگودا، ایل باشیندان بو یانا 314 نفر سیلاحلی سالدیریدا اؤلن، مین 769 نفر ده یارالانیب.
آمریکانین "جینایتکار پایتختی" آدلاندیریلان شیکاگودا کئچن ایل دوزنلنن 2 مین 785 سیلاحلی سالدیریدا 674 نفر اؤلدورموش، 3 مین 567 نفر ده یارالانمیشدی.