نیجریه ده، موخالیف پارتیلر دولت باشقانینا قارشی اورتاق نامیزد چیخارما قراری آلدی
آنا موخالیفتدکی خالق دموکراتیک پارتیسی اطرافیندا توپلانان ان آز 30 موخالیفت پارتیسی، موجود دولت باشقانی محمدو بوهاری ه قارشی بیرلشدی
باتی آفریقا اولکه لریندن نیجریه ده، یاخینلاشان دولت باشقانی دان مجلیس سئچیمی اؤنجه سینده موخالیف پارتیلری حاضیرداکی دولت باشقانی محمدو بوهاری ه قارشی اورتاق نامیزد چیخارما قراری آلدی.
آنا موخالیفدکی خالق دموکراتیک پارتیسی (PDP) اطرافیندا توپلانان ان آز 30 موخالیفت پارتیسی، موجود دولت باشقانی محمدو بوهاری ه قارشی بیرلشدی.
باشکند آبوژادا توپلانتی کئچیرن پارتی نمایندهلری، بیرلشمیش سیاسی پارتیلر کوالیسیون (CUPP) آدی آلتیندا سئچیمه گئدیلمهسی نقطهسینده آنلاشما مموراندومو ایمضالاییب.
توپلانتییا خالق دموکراتیک پارتیسی صدری اوچه سکوندوس، حاکمیتدکی بوتون ایلریجیلرکونگره سیندن (APC) آیریلان بوبا گالادیما و کئچمیش صدر معاوینی اسکی صدری آبوباکار باشدا اولماقلا موخالیف پارتی نمایندهلری قاتیلیب.
بیرلشمیش سیاسی پارتیلر کوالیسیون آلتیندا توپلانان موخالیف پارتیلر، دولت باشقانی و پارلامنت سئچیملرینده بیرگه حرکت ائدهجک.
1999-دا نیظامی ایداره چیلیکدن دموکراسی یه کئچیلن اؤلکهده بو گونه قدر بئش دفعه دولت باشقانی و پارلامنت سئچیمی کئچیریلیب.
29 می 2015ده کئچیریلن سون سئچیملرده بوهاری دولت باشقانی سئچیلرکن، یئنی سئچیمین 2019-جی ایلین ژانویه آییندا اولماسی نظرده توتولور.