ترامپ: آمریکا ندن ونزوئلانی ایشغال ائتمیر؟
آمریکانین پرزیدنتی دونالد ترامپین، مصلحتچی‌لرینه، اولکه سینین ونزولانی ایشغال ائتمه‌سی لازیم اولدوغو ایستیقامتینده باسقی اوندیگی اورتایا چیخدی
آمریکانین پرزیدنتی دونالد ترامپین، مصلحتچی‌لرینه، اولکه سینین ونزولانی ایشغال ائتمه‌سی لازیم اولدوغو ایستیقامتینده باسقی ائتدیگی اورتایا چیخدی.
آسوشیتد پرس ین معلوماتینا گؤره، آوقوست آییندا اووال اوفیسده، ونزوئلایا تحریم‌لرین دانیشیلدیغی بیر تدبیر کئچیرن ترامپ، توپلانتی یئکون‌لاشماق عرفه‌سینده موشاویرلرینه دؤنه‌رک،
"سرعتله یاییلان بیر ونزوئلا بؤلگه سل امنیتی تهدید ائدرکن، نیه آمریکا بو باش بلاسی اؤلکه ایشغال ائتمه‌سین؟ دئیه سوروشدو.
آمریکا رهبرلیگین‌دن آدی آچیقلانمایان یوکسک سویه‌لی بیر رهبرلیگی‌نین آچیقلاما‌لارینا گؤره، کئچمیش آمریکا خاریجی ایشلر ناظیری رکس تیلرسون و کئچمیش میللی امنیتی موشاویری مک مستر و اوتاقدا اولان هر کس، ترامپین سوا‌لی قارشی‌سیندا سرسمله‌ییب.
تخمینن 5 دقیقه داوام ائدن فیکیر موبادیله‌سی اثناسیندامک مستر و تیلرسون، ترامپا، ونزوئلا دولت باشقانی نیکولا مادورویو جزالاندیرما مقصدلی نیظامی عملیاتین نئجه ترس تپه جگینی و لاتین آمریکاسی اؤلکه‌لری آراسیندا چوخ چتین قازانیلان دستگی ایتیرمک ریسکی دوغوراجاغینی دانیشدی.
موشاویرلری‌نین اینان‌دیرماق تلاشلارین‌دان تاثیرلنمه‌ین ترامپ، فیکرینده اینادکارلیغینی داوام ائتدیریب آنجاق نیظامی پلان‌لار حاضیرلانماسی اوچون بیر تعلیمات وئرمه‌ییب.
ترامپ، 1980لرده پاناما و گرنادانین ایشغا‌لی کیمی کئچمیش "گوج دیپلوماسیسی" مسئله‌لرینی خاطیرلادیب.
11 آوقوستدا ترامپ، مادورویو اقتداردان ائندیرمک اوچون "نظامی واریانت" فیکرینی ایفاده ائده‌رک دوست و دوشمن‌لری آلارما کئچیردی.
قیسا مدت سونرا ترامپ مسئله نی کولومبیا پرزیدنتی خوان مانوئل سانتوسا آچدی.
اوست دوزئی کولومبیا‌لی 2 مسئول ده بو معلوماتی تصدیقله‌دی.
ترامپ، سپتیامبر آییندا بیرلشمیش میللت‌لر تشکیلاتی عمومی قورولو سیراسیندا سانتوس، او جمله‌دن لاتین آمریکا‌داکی دؤرد موتتفیقین لیدرلری خصوصی بیر آخشام یئمگینده مسئله نی یئنیدن گوندمه گتیردی.
آمریکا‌لی مسئول، ترامپین مسئله نی گوندمه گتیرممه‌سی باره‌ده خصوصی اولا‌راق خبردار ائدیلدیگینی آنجاق باشقانین ضیافت‌دکی ایلک سؤزونون "اکیبیم من‌دن بونو سؤیلمگی ایسته‌دی" اولدوغونو بیلدیریب.
ترامپ بو جمله‌سین‌دن درحال سونرا دا هر بیر لیدره، نیظامی حلّ ایستمدیک‌لرینه امین اولوب اولمادیغینی سوروشدو و هر بیرین‌دن آیدین شکیلده "امینیک" جوابینی آلدی.
آغ ائو مسئله ایله باغلی آچیقلامانی رد ائتدی.
آنجاق میللی امنیت شوراسی‌نین بیر سؤزچوسو، آمریکا ونزوئلادا دموکراسی نین یئنیدن قورولماسی و ثابیتلیگین گتیریلمه‌سینه یاردیمچی اولماق اوچون الین‌دکی بوتون واریانت‌لاری ایستیفاده ائدجگینی بیلدیریب.
ترامپین رهبرلیگی آمریکا، کانادا، آوروپا اتفاقی و مادورو، چوخ سایدا ونزوئلا‌لی نماینده‌لیگه تحریم‌لر گتیرمیشدی.
