سینگاپور: ترامپ ایله کیم یونگ ایجلاسی اوچون هر شئی حاضیر
آمریکا پرزیدنتی ترامپ ایله قوزئی کوره لیدری کیم، ژوئن‌ین 12-ده سینگاپوردا بیر آرایا گله‌جک
سینگاپور خاریجی ایشلر ناظیری ویویان بالاکریشنان، آمریکا باشقانی دونالد ترامپ ایله قوزئی کوره لیدری کیم یونگ آراسیندا 12 ژوئن‌ده کئچیریله‌جک ایجلاس اوچون هر شئیین حاضیر اولدوغونوسؤیله‌دی.
قوزئی کوره‌دن آیریلان بالاکریشنان، پکن‌ده سینگاپورلو ژورنالیست‌لره ائتدیگی آچیقلامادا، سون دقیقه‌ده بیر سورون چیخماماسی اوچون پیونگ یانگا گئتدیگینی بیل‌دیره‌رک، ذیروه اوچون هر شئیین حاضیر اولدوغونو دیله گتیردی.
سینگاپور خاریجی ایشلر ناظیری، واشینگتون و پیونگ یانگ رهبرلیک‌لری‌نین ذیروه اوچون حیاتا کئچیریلن تدبیرلردن ممنون و سون 70 ایلین چتین‌لیک‌لرین‌دن خیلاص اولماغا ایستک‌لی اولدوغونو قید ائدیب.
بالاکریشنان، هفته‌نین اوّلینده واشینگتونا سفر ائتمیش آمریکا خاریجی ایشلر ناظیری مایک پومپئو و میللی امنیت موشاویری جان بولتون ایله بیر آرایا گلمیش، اوّلکی گون ده قوزئی کوره‌نین پایتختی پیونگ یانگ‌دا همکاری ری یونگ هو ایله گؤروشموشدو.
آمریکا پرزیدنتی ترامپ ایله قوزئی کوره لیدری کیم، ژوئن‌ین 12-ده سینگاپوردا بیر آرایا گله‌جک.
نوکلر ترک سیلاح و امنیت مسئله‌لری‌نین مذاکیره ائدیله‌جگی ذیروه گؤروشونون، 1950-53-جی ایللر کوره ساواشین‌دان بو یانا داوام ائدن آتشکس وضعیتی‌نین دایمی بیر باریشا چئوریلمه‌سی یولوندا حلّ ائدیجی آددیم اولماسی نظرده توتولور.
