باتیدا، مسلمانلارا باخیش آراشدیرماسی
چالیشما، هارداسا هر اؤلکهده مسلمان قارشیدلیغینین، یهودی قارشیدلیغینین اؤنونه گئچدیگینی ده اورتایا قویدو
باتیدا خریستیانلارین، کؤچمنلره و خریستیان اولمایانلارا قارشی داها آز خوشگؤرولو اولدوغو بیلدیریدی.
آمریکا مرکزلی دوشونجه قورولوشو پئو آراشدیرما مرکزینین ۱۵ اؤلکهده آپاردیغی چالیشما، باتی اؤلکهلریندهکی خریستیانلارین؛ مسلمانلار، یهودیلر و کؤچمنلر حاقیندا منفی فیکیرلر دیله گتیرمهیه، هر هانسی بیر دینه منسوب اولمایان باتیلیلاردان داها میللی اولدوغونو اورتایا قویدو.
یئنه باتیلی خریستیانلارین، اؤلکهلرینین مدنیتلری و دگرلرینین اوستون اولدوغو فیکرینی داشیماغا میللی اولدوغو، ائتنیک آوروپالیلارین اسلامین دگرلری و مدنیتلری ایله اویومو اولوب اولمادیغی بارهده فرقلی فیکیرلره صاحب گؤروندوغو قید اولوندو.
اینگیلترهده کلیسهیه گئدن خریستیانلارین یوزده ۴۵ینین، گئتمهیهنلرین یوزده ۴۷سینین، "اسلام، اساسیندا دگرلریمیزله و مدنیتیمیزله اویوملو دئییل" تکلیفینه قاتیلدیغی، خریستیان اولمایان اینگیلیسلرده بو نیسبتین یوزده ۳۰آ دوشدویو گؤرولدو.
کلیسهیه گئدن فرانسیزلارین دا هاراداسا اوچده ایکیسی (یوزده ۷۲) آتالارینین گرچک فرانسیز اولماسینین اؤنملی اولدوغونو دیله گتیردی. خریستیان اولمایان فرانیزلاردا بونا اؤنم وئرهنلرین نیسبتی یوزده ۵۲، هر هانسی بیر دینه منسوب اولمایانلاردا یوزده ۴۳ اولدو.
آراشدیرما، آلمانیا و ایتالیا داخیل بعضی آوروپا اؤلکهلرینده کؤچمن قارشیدلیغینین و میلتچی سیاسی پارتیلرین دستک قازاندیغینی، کؤچمن و آزینلیق قارشیدی سؤیلملری ان آز سوئدلیلرین ان چوخ ایتالیانلارین ایفاده ائتمهیه میللی اولدوغونو گؤستردی.
ایتالیانلارین یوزده ۳۶سی "یهودیلر، چکدیکلرینی شیشیردیر" اؤنرمهسیله همفیکیرکن سوئدلیلرده بو نیسبت یوزده ۱۱ اولدو.
پئوین چالیشماسی، هارداسا هر اؤلکهده مسلمان قارشیدلیغینین، یهودی قارشیدلیغینین اؤنونه گئچدیگینی ده اورتایا قویدو.
ایتالیانلارین یوزده ۴۳و، اینگیلزلرین یوزده ۳۶سی، اتریشلیلرین یوزده ۳۴و، آلمانلارین یوزده ۳۳و، عائلهلرینه مسلمان بیر عضو قاتیلماسینی ایستمهیهجکلرینی دیله گتیردی.
آراشدیرما، ایتالیانلارین یوزده ۳۰ونون، بلژیکلیلرین یوزده ۲۸ینین، آلمانلار و اتریشلیلرین یوزده ۲۴ونون، مسلمان قادینلارین "دینی اینانجلارینی یانسیدان شکیلده گئیینمهلرینه اجازه وئریلمهمهسی لازیم اولدوغو" فیکرینی ساووندوغونو گؤستردی.
چالیشما، ۲۰۱۷نین آوریل-آگوست آیلاریندا نروژ، دانمارک، آلمانیا، اتریش، هلند، اینگیلتره، ایسپانیا، ایتالیا، ایرلند، فنلاند، سوئد، سوئیس، بلژیک، پرتغال و فرانسادا ۲۴ مین ۵۹۹ نفرله تلفن ائدیلهرک حاضیرلاندی.