ترور سالدیریسیندا چوخ ساییدا اؤلو وار
بیر بؤلگه ساکینی ایسه سالدیرقانلارین اراضی‌ده‌کی ائولری اودا وئردیگینی، خالقی سلاح و قمه یا دا یاندیراراق اؤلدوردویونو دئدی
بوروندی‌ده وطنداشلارین هدف آلیندیغی ترور سالدیریسیندا ۲۶ نفر حیاتینی ایتیردی.
بوروندی دؤولت گوونلیگی باخان آلن گیلیوم بونیونی، ژورنالیستلره وئردیگی آچیقلامادا، جیبیتوک ویلایتین‌ده ترور سالدیریسی گرچکلشدیریلدیگینی بیلدیردی.
بونیونی، ۲۴ نفرین ائوین‌ده، ۲ نفرین ایسه قالدیریلدیغی خسته‌خانادا حیاتینی ایتیردیگینی قید ائدرکن سالدیری حاقین‌دا داها چوخ آیرینتی وئرمه‌دی.
بیر بؤلگه ساکینی ایسه سالدیرقانلارین اراضی‌ده‌کی ائولری اودا وئردیگینی، خالقی سلاح و قمه یا دا یاندیراراق اؤلدوردویونو دئدی. گوونلیک سببیله آدینین آچیقلانماسینی ایسته‌مه‌یه‌ن شخص، سالدیری‌دا حیات یولداشینی و ایکی اوشاغینی ایتیردیگینی بیلدیردی.
اؤلکه‌ده ۱۳ ایلدیر حاکمیت‌ده اولان دؤولت باشقانی نکورونزیزانین، حکومتله سلاح‌لی قروپلار آراسین‌دا آگوست ۲۰۰۰ده ایمضالانان آروشا آنلاشماسیندا یئر آلان "دؤولت باشقانینین یالنیز ایکی دفعه سئچیله‌بیله‌جگینه" دایر ماده‌یه باخمایاراق آوریل ۲۰۱۵ده اوچونجو دفعه نامیزدلیگینی آچیقلاماسینین آردین‌دان اؤلکه‌ده سیاسی بحران و شدت حادثه‌لری باشلامیشدی.
