آمریکا، ایرانی قینادی
"ایران اینقیلاب محافظهچیلری، پرواسیز ائیلملرینین بوتون مسئولیتینی داشیییر"
آمریکا، سوریه تورپاقلاریندان ایسراییله راکت سالدیریسی تشکیل ائتدیگی سببی ایله ایران یؤنتیمینی قینادی.
آغ ائو سؤزچوسو سارا ساندرز وئردیگی یازیلی آچیقلامادا،
"آمریکا، ایران رژیمینین سوریهدن ائتدیگی و ایسراییل وطنداشلارینی هدف آلان تحریک ائدیجی راکت سالدیریلارینی قیناییر و ایسراییلین اؤزونو ساوونما حاقینی مدافعه ائدیر" ایفادهلرینی ایشلتدی.
آچیقلامادا، ایرانین سوریهده راکت و موشک سیستملرینه صاحب اولماسینین قبول ائدیلمز و بوتون اورتادوغو اوچون تهلوکهلی اولدوغونا دقت چکیلهرک،
"ایران اینقیلاب محافظهچیلری، پرواسیز ائیلملرینین بوتون مسئولیتینی داشیییر. ایران اینقیلاب محافظهچیلری و حزبالله دا داخیل، اونون حربی اوزانتیلارینی، داها چوخ تحریک ائدیجی آددیملار آتماماغا دعوت ائدیریک" دگرلندیرمهسینه یئر وئریلدی.
ایسراییل اوردوسو، اؤنجهکی آخشام ایران گوجلرینین سوریهدن ایسراییله دوغرو تخمیناً ۲۰ راکت آتدیغینی آچیقلامیشدی.
ایران ایسه "ایسراییله راکت سالدیریسی تشکیل ائتدیگی" ادعالارینی یالانلامیشدی.
ایلگیلیلی خبرلر
ژاپندا شدتلی یاغیشلار سببی ایله ۶ نفر حیاتینی ایتیردی
ژاپونون نوتو و سوزو بؤلگهلرینده شدتلی یاغیشلار نتیجهسینده سئل و تورپاق سوروشمهسی میدانا گلدی