ماتیس:"متفیق و طرفداشلاریمیزلا بیرگه فعالیت گؤسترمهیه داوام ائدجییک"
امریکانین مودافعه ناظیری جیمز ماتیس ایرانین نوکلئر موقاویلهسینین ماددهلرینه تام رعایت ائتمهدیگی اوچون بو موقاویلهنی بیرطرفلی لغو ائتدیکلرینی و بو قرارا گلمک اوچون بیر ایلدن چوخ دوشوندوکلرینی سؤیلهدی.
![ماتیس:"متفیق و طرفداشلاریمیزلا بیرگه فعالیت گؤسترمهیه داوام ائدجییک"](http://cdn.trt.net.tr/images/xlarge/rectangle/3642/daf3/c6ee/5abb342336fdd.jpg?time=1719009579)
امریکانین مودافعه ناظیری جیمز ماتیس ایرانین نوکلئر موقاویلهسینین ماددهلرینه تام رعایت ائتمهدیگی اوچون بو موقاویلهنی بیرطرفلی لغو ائتدیکلرینی و بو قرارا گلمک اوچون بیر ایلدن چوخ دوشوندوکلرینی سؤیلهدی.
امریکانین مودافعه ناظیری جیمز ماتیس مودافعه ناظیرلیگینین 2019-جو ایله عایید بودجه طلبینه عایید سواللاری جاوابلاندیردی.
امریکانین ایرانلا باغلانان نوکلئر موقاویلهسیندن چیخدیغینی و تهرانا قارشی تطبیق اولونان تحریم لری برپا ائتمک بارهسینده قرار قبول ائتدیگینی بیلدیرن ماتتیس: "ایرانین اصلا نوکلئر سلاحی الده ائتمهمهسی اوچون متفیق و طرفداشلاریمیزلا بیرگه فعالیت گؤسترمهیه داوام ائدجییک" دئدی.
ماتیس ایرانین یمندن سعودی عربیستانینا، بحرین و و لبنانا قدر اوزانان بؤیوک بیر جوغرافیادا پیس نیتلی فعالیت گؤستردیگینی ادعا ائتدی، بو اؤلکهنین دستکی اولمادان هله ده خالقینی قتل ائدن و قاچقین آخینلارینا سبب اولان بشار اسدین سوریه-ده حاکمیتده قالا بیلمهیهجگینی قئید ائتدی.
مودافعه ناظیری نوکلئر پروقرامی، بالیستیک راکت پروقرامی، ترور قروپلارینا دستک، سیبر هوجوملار و کؤرفزده تیجارت گمیلرینه تهدیدلر اولماقلا، تهران رهبرلیگینین بئش مسئلهده بولگه سل و اولوسلار آراسی تهلوکهسیزلیگی تهدید ائتدیگینی سؤیلهدی.