روسیا و چین، آمریکانین نوکلئر موقاویلهدن چکیلمه قراریندان اوزونتولو
ایران نوکلئر موقاویلهسینی ضربه ائندیرمگین هئچ بیر اساسی اولمادیغی قید ائدیلن آچیقلامادا، موقاویلهنین پلانین پروبلملری حلّ ائتمهده تأثیرلی اولدوغو وورغولانیب
روسیا، آمریکانین ایران نوکلئر موقاویلهسیندن چکیلمه قرارینی "درین خیال قیریقلیغی" اولاراق آدلاندیردی.
روسیا خاریجی ایشلر ناظیرلیگیندن ائدیلن یازیلی آچیقلامادا،
"آمریکا پرزیدنتی دونالد ترامپین ایرانین نوکلئر پروقرامینا دایر گئنیش بیرگه فعالیت پلانی اوزریندن تامین ائدن موقاویلهدن ایرهلی گلن مسئولیتلری بیرطرفلی رد ائتمهسی و تحریملری یئنیدن تاسیس ائتمک قراری درین خیال قیریقلیغی یاراتدی." ایفادهلری ایستیفاده ائدیلدی.
ایران نوکلئر موقاویلهسینی ضربه ائندیرمگین هئچ بیر اساسی اولمادیغی قید ائدیلن آچیقلامادا، موقاویلهنین پلانین پروبلملری حلّ ائتمهده تأثیرلی اولدوغو وورغولانیب.
ایرانین مسئولیتلرینی چوخ بیر شکیلده یئرینه یئتیردیگینه ده دقت چکن آچیقلامادا، روسیانین بونو تام اولاراق دستکلدیگی و ممنونیتله قارشیلادیغی قید اولونوب.
بیاناتدا،
"آمریکانین یئنه ده بیر چوخ دولتین فیکرینه راغمن یالنیز اؤز منطقه ماراقلاری اوچون اولوسلار آراسی حقوق قایدالارینی آچیق-آشکار پوزماسیندان سون درجه ناراحاتیق." قیمتلندیرمهسینی ائتدی.
واشینگتونون ائیلملرینین آنلاشماسینین ایجراسی زامانی یوکسک پروفسیونللیغینی دایم ثبوت ائدن اولوسلار آراسی آتوم انرژیسی تشکیلاتینا اولان اولوسلار آراسی اعتیمادی ضربه ائندیردیگینه ایشاره ائدیلن آچیقلامادا، آمریکادان ائدیلن آچیقلامایا قارشی،
"بو واشینگتونون قابیلیتسیزلیگینین یئنی تصدیقیدیر" ایفادهلرینه یئر وئریلیب.
آچیقلامادا، روسیانین موقاویلهیه قاتیلان دیگر اؤلکهلر و ایران ایله آکتیو بیر شکیلده ایکیطرفلی ایش بیرلیگی ایله سیاسی دیالوقو داوام ائتدیرمهیه آچیق اولدوغو وورغولانیب.
چین ده، آمریکانین ایران نوکلئر موقاویلهسیندن چکیلمه قراریندان اوزونتو دویدوغونو بیلدیریب.
چین خاریجی ایشلر ناظیرلیگی سؤزچوسو گینگ شوانگ، پایتخت پکنده تشکیل ائتدیگی گوندهلیک مطبوعات کونفرانسیندا، اؤلکهسینین طرفسیز، عدالتلی و مسئولیتلی شکیلده بوتون طرفلرله دیالوق و مصلحتلشمهلری داوام ائتدیرجگینی و چوخ طرفلی موقاویلهلرین حیاتا کئچیریلمهسی و قورونماسی اوچون چابا گؤسترجگینی دیله گتیردی.
گینگ،
"بوتون طرفلر موقاویلهنی تطبیقی، موقاویلهنین بوتؤولوگونو و جیدیلیگینی قورومالیدیر. چین، بوتون طرفلره مسئولیتلی شکیلده داورانمالاری، سیاسی و دیپلوماتیک ایستیقامتلی حلّ یوللارینا صادق قالمالاری، فرقلری اویغون شکیلده اله آلسینلار