آوروپا بیرلیگی: ایران نوکلئر سازیشی لغو ائدیلممهسی
سؤزچوسو مایا کوچیانچیج، مطبوعات کونفرانسیندا سواللارا جاواب وئررکن، بیز، ایران نوکلئر سازیشینین ایشه یارادیغینی حساب ائدیریک و بو سببله ده لغو ائدیلممهسی اوچون قطعیتلی موضع توتماغا داوام ائدیریک. دئیه دانیشدی
![آوروپا بیرلیگی: ایران نوکلئر سازیشی لغو ائدیلممهسی](http://cdn.trt.net.tr/images/xlarge/rectangle/6340/23ea/47f4/5af19efa94809.jpg?time=1719082279)
آوروپا اتفاقی، ایران نوکلئر سازیشینین ایشه یارادیغینی وورغولایاراق، لغو ائدیلممهسی لازیم اولدوغونو بیلدیردی.
آوروپا کومیسیونونون سؤزچوسو مایا کوچیانچیج، گوندهلیک مطبوعات کونفرانسیندا سواللارا جاواب وئررکن،
بیز، ایران نوکلئر سازیشینین ایشه یارادیغینی حساب ائدیریک و بو سببله ده لغو ائدیلممهسی اوچون قطعیتلی موضع توتماغا داوام ائدیریک." دئیه دانیشدی.
آمریکانین پرزیدنتی دونالد ترامپین ایران نوکلئر سازیشینین طالعینه دایر قرارینی بو گون آچیقلایاجاغینی خاطیرلادان کوچیانچیج، آوروپا بیرلیگی خاریجی علاقهلر و امنیت سیاستی عالی نمایندهسی فدریکا موگرینینین ده قراردان سونرا بیانات وئرجگینی بیلدیریب.
ترامپین هانسی ایستیقامتده بیر قرار وئرجگی موضوعسوندا آچیقلاما وئرمیهجگینی بیلدیرن کوچیانچیچ، آوروپا بیرلیگینین آوروپالی شیرکتلرین منفعتلرینی گودمهیه داوام ائدجگینه ایشاره ائدیب.
اوّلکی آمریکا پرزیدنتی باراک اوباما دؤورونده 2015-جی ایلده ایران ایله آپاریلان نوکلئر موقاویلهنین آمریکا ماراقلارینا ضد اولدوغونو ساوونان ترامپین آنلاشمایا دایر قرارینی تورکیه ساعتی ایله 21.00ده آچیقلاماسی گؤزلنیلیر.