"هاردا ایران اوردا خائوس"
ایران ایله ایسراییل آراسین‌داکی محتمل بیر چاتیشمادا آمریکانین رولو نه اولاجاق؟
آمریکا ساوونما باخانلیغی سؤزچوسو دانا وایت، ایران ایله باغلی سرت تنقیدلر دیله گتیردی.
سؤزچو وایت، هفته‌لیک مطبوعات کنفرانسین‌دا ژورنالیستلرین سواللارینی جاوابلاندیردی.
وایت، ایران ایله ایسراییل آراسین‌دا آرتان گرگینلیین پنتاگونو قایغیلاندیریب قایغیلاندیرمادیغینا دایر بیر سوال اوزرینه، ایرانین بؤلگه‌ده پیس بیر ائتکی اولماغا داوام ائتدیگینی دئدی.
ایرانین بؤلگه‌نی ثابتسیز‌لشدیرمگه داوام ائتدیگینی ادعا ائدن وایت،
"(ایران) بؤلگه‌‌ده‌کی ثابیتلیین آلتینی بوشالتماق اوچون ایستر حزب‌الله اولسون، ایسترسه ده حوثیلر اولسون وکالت گوجلری ایستیفاده ائدیر. بو بیزیم قایغیمیزدیر. ایران هاردا، خائوس اورادا. بئله‌لیکله، سوریه، قاریشیق بیر ساواش میدانی و ایران قایغییا سبب اولاجاق شئیلر ائتمه‌یه داوام ائدیر" دئیه دانیشدی.
"ایران ایله ایسراییل آراسین‌داکی محتمل بیر چاتیشمادا آمریکانین رولونون نه اولاجاغینا" دایر بیر سوال اوزرینه ایسه وایت، اؤزلرینی قوروما حاقینی هر زامان گیزلی توتدوقلارینی آنجاق سوریه‌ده‌کی تک ایشلرینین داعش ایله مباریزه اولدوغونو ایفاده ائتدی.
