"تهران رهبرلیگینین یالان و آلداتماسینا دایانیر"
نتانیاهو، ایرانین نوکلئر سلاحی اورتمک اوچون گیزلی بیر پروگرام اوزرینده چالیشدیغی ادعالارینی تکرارلادی
!["تهران رهبرلیگینین یالان و آلداتماسینا دایانیر"](http://cdn.trt.net.tr/images/xlarge/rectangle/fdb7/faf8/3971/5ae80e2f1c47a.jpg?time=1719080840)
ایسراییل باشباخانی بنیامین نتانیاهو، ایران ایله پ۵+۱ اولکهلری آراسیندا ۲۰۱۵ ایلده ایمضالانان نوکلئر آنلاشمانین، تهران رهبرلیگینین یالان و آلداتماسینا دایاندیغینی ادعا ائتدی.
ایسراییل باشباخانلیغیندان وئریلن یازیلی آچیقلامادا، نتانیاهونون اورتادوغو سفری چرچیوهسینده ایسراییله گئدن ژاپن باشباخان شینزو آبه ایله باتی قدسداکی باشباخانلیق اوفیسینده بیر آرایا گلدیگی بیلدیریلدی.
آچیقلامادا، نتانیاهونون ژاپنلو قونومداشی ایله اورتاق مطبوعات کنفرانسیندا ایرانین نوکلئر سلاحی اورتمک اوچون گیزلی بیر پروگرام اوزرینده چالیشدیغی ادعالارینی تکرارلادیغی قید ائدیلدی.
نتانیاهو،
"ایران نوکلئر پروگرامی ایله باغلی بوتون پلانلارینی قوروماغی باجاردی. آنجاق نوکلئر سلاح ایستهمهیهنلر پلان یاپمازلار، یا دا پلانلارینی قورومورلار. بو آنلاشما ایرانین یالانلارینا و یانلیش بیلگیسینه دایانان پیس بیر آنلاشمادیر" دئدی.
ایسرایل باشباخانی، بازار ارتهسی گونو وئردیگی آچیقلامادا، ایسراییل استخباراتینین ایرانین نوکلئر سلاح اورتمک اوچون گیزلی بیر پروگرام اوزرینده ایشلدیگینه دایر دلیللره چاتدیغینی ادعا ائتمیشدی.