آمریکا‌: روسیا، گورجوستان‌داکی سیلاح‌لی گوجلرینی چک

آمریکا‌نین اوروپا و آوراسیا مسئله‌لری ایشلریندن دیش ایشلر باخان کؤمکچی‌سی وس میچل، روسیا، گورجوستان‌داکی سیلاح‌لی گوجلرینی چکمه‌یه دعوت ائدیب.

میچل، گورجوستانین پایتختی تیفلیس‌ده داوام ائدن و بو ایل 3-جی دفعه کئچیریلن ناتو-گورجوستان دولت دیپلوماتیسی فوروموندا بیلدیریب.

آمریکا رهبرلیگی‌نین، گورجوستانین اراضی بوتؤو‌لوگو و اگمنلیگینه دستک وئردیگینی ایفاده ائدن میچل، آمریکا پرزیدنتی دونالد ترامپین، گورجوستانین ناتو عضوو اولماسینا دایر بیاناتی دستکلدیگینی قید ائدیب.

ناتو باش کاتیبی ینس استولتنبرگین ده بو مسئله‌ده گورجوستانا آچیق دستک وئردیگینی خاطیرلا‌دان میچل، گورجوستانین ناتو عضو‌لوگونون روسیا و یا هر هانسی اوچونجو اؤلکه‌یه باغلی اولمادیغینی، بونون تامامیله گورجوستانین قراری اولدوغونو بیلدیریب.

میچل، "اؤز گله‌جگینه یالنیز گورجوستان قرار وئره بیلر. گورجوستانین ناتو عضو‌لوگو مسئله‌سینده هئچ بیر اؤلکه‌نین وتو حقوقو یوخدور." دئدی.

روسیانین، گورجوستانین اراضی‌لری اولان آبخازیا و جنوبی اوسئتیامی قوندارما دولت‌لر کیمی تانیماسینا توخونان میچل، روس سیلاح‌لی گوجلری‌نین روسیا-گورجوستان آراسیندا 2008-جی ایلده باش وئرن ساواش عرفه‌سین‌دکی نقطه‌یه قاییتماسی لازیم اولدوغونو وورغولاییب.