فرانسا پرزیدنتی امانوئل ماکرون واشینگتونا سفر ائدیر
سوریهده بوندان سونرا ایزلنهجک یول پلانی، آمریکا ایله فرانسا و آوروپا بیرلیگی موناسیبتلرینین گوجلندیریلمهسی، ماکرونون تماسلاری چرچیوهسینده گوندمده اولاجاق
فرانسا پرزیدنتی امانوئل ماکرون، 23-26 آوریل تاریخلری آراسیندا واشینگتونا سفر ائدهجک.
ماکرون، آمریکا باشقانی دونالد ترامپ ایله گؤروشهجک.
سوریهده بوندان سونرا ایزلنهجک یول پلانی، آمریکا ایله فرانسا و آوروپا بیرلیگی موناسیبتلرینین گوجلندیریلمهسی، ماکرونون تماسلاری چرچیوهسینده گوندمده اولاجاق.
ماکرون، سفر اؤنجهسی آمریکا فاکسنیوز تلویزیونا موصاحیبه وئریب.
سوریهدکی آمریکا عسگرلرینین چکیلممهسی چاغیریشی ائدن ماکرون، چکیلمهنین "میدانچانین ایرانا و سوریه دولت باشقانی بشار اسده بوراخیلماسی" معناسینا گلهجگینی دئییب.
ماکرون، داعشین مغلوبیتی سونرا آمریکا، فرانسا و دیگر موتتفیقلرین سوریهنین یئنیدن اینشاسیندا چوخ اهمیتلی بیر رول اوینایاجاقلارینی بیلدیریب.
فرانسا پرزیدنتی ماکرونون سفرینین ان بؤیوک هدفی ترامپی، ایران ایله اولوسلار آراسی توپلومون 2015ده گلدیگی نوکلئر سازیشی هیچه سایلماماسی قونوسوندا قانع ائتمک.
ترامپ، ایرانین نوکلئر فعالیتی ایزلنمهیه داوام ائدیلمهسینی، خصوصیله نوکلئر ایشلرین سونا چاتماسی اوچون موقاویلهده نظرده توتولان 2025-2030 تاریخلرینین قالدیریلماسینی ایستییر.
سفرین دیگر اؤنملی گوندم مادهسی ایسه، آمریکانین آوروپا بیرلیگینه آپارماق ایستدیگی آلومینیوم و پولاد ایدخالینا گؤمروک وئرگیسینین انگللنمهسی اولاجاق.