آمریکا سوریه عملیاتی قونوسوندا تورکیه نی بیلگیلندیریب
هاوا عملیاتی کئچیرمهدن اوّل آمریکا پرزیدنتی دونالد ترامپ، پرزیدنتی رجب طیب اردوغانا تلفونلا معلومات وئرمیشدی
951688
آمریکا خاریجی ایشلر ناظیرلیگینه وکالت ائدن جان سولیوانین، دیش ایشلری موستشاری اومید یالچینه تلفون ائدهرک آمریکا، فرانسا واینگیلترهنین سوریه رژیمینه قارشی ائتدیکلری هاوا عملیاتی قونوسوندا معلومات وئریب.
آمریکا دیش ایشلرینین سؤزچوسو هیتر نوئرت، ائتدیگی یازیلی آچیقلامادا، سولیوانین یالچینین یانیندا کویت خاریجی ایشلر ناظیری صباح ال خالد الحمد الصباح، چکیا خاریجی ایشلر ناظیری مارتین استروپنیکی و عراق خاریجی ایشلر ناظیری ایبراهیم الجعفری ده سالدیری حاقیندا معلومات وئردیگینی ایفاده ائتدی.
هاوا عملیاتی کئچیرمهدن اوّل آمریکا پرزیدنتی دونالد ترامپ، پرزیدنتی رجب طیب اردوغانا تلفونلا معلومات وئرمیشدی.
آمریکا، اینگلتره و فرانسایا عاید نیظامی هاوا و دنیز گوجلری دونن آخشام سوریه رژیمینه عایید اوچ هدفه 105 موشک ایله سالدیری ائتمیشدی.