سوریه عملیاتینا دونیادان تپکیلر
"سوریه رژیمینی باشقا پوزونتولارا قارشی اویارماق مقصدی ایله آپاریلان حربی عملیات اوغورلو و اؤلچولو"
آمریکا، اینگیلتره و فرانسانین سوریه رژیمینی هدف آلان هاوا عملیاتینا، دونیادان دستک آچیقلامالاری گلیر.
آلمانیا باشباخانی آنگلا مرکل، آمریکا، اینگیلتره و فرانسانین سوریه رژیمینی هدف آلان هاوا عملیاتینین اوغورلو و اؤلچولو اولدوغونو بیلدیردی.
مرکل، عملیاتی یازی‌لی بیر آچیقلامایلا دگرلندیردی.
مرکل آچیقلاماسیندا سوریه‌ده اسد رژیمینین دومادا شیمیایی سلاح ایستیفاده ائتدیگینی و چوخ ساییدا اؤلومون باش وئردیگینی خاطیرلاتدی.
مرکل،
"سوریه رژیمینی باشقا پوزونتولارا قارشی اویارماق مقصدی ایله آپاریلان حربی عملیات اوغورلو و اؤلچولو" دئدی.
مرکل،
"آمریکالی، اینگیلیس و فرانسیز متفیقلریمیزین بیرلشمیش میلتلر امنیت شوراسینین دائمی عضولری اولاراق بو مسئولیتی اوزرینه گؤتورمه‌سینی دستکله‌ییریک" دئدی.
کانادا باش باخانی جاستین ترودو ایسه آمریکا، اینگیلتره و فرانسانین اسد رژیمینی هدف آلاراق باشلادیغی عملیاتی دستکلدیکلرینی آچیقلادی.
ترودو، سوریه‌یه قارشی ائدیلن هاوا سالدیریلاری ایله وئردیگی آچیقلاما‌دا،
"کانادا، اؤتن هفته دوغو غوطه‌ده تشکیل اولونان سالدیری‌دا شیمیایی سلاح ایستیفاده‌سینی ان گوجلو شرطلرده قینامیشدی. کانادا، آمریکا، بؤیوک بریتانیا و فرانسانین، اسد رژیمینین اؤز خالقینا قارشی شیمیایی سلاح سالدیریلاری باشلاتما ایمکانلارینی پوزماق اوچون حرکته گئچمه قرارینی دستکلییر" دئدی.
ترودو آچیقلاماسینی،
"سوریه‌ده شیمیایی سلاح ایستیفاده‌سینی داها چوخ آراشدیرماق اوچون اولوسلارآراسی اورتاقلارلا ایشله‌مه‌یه داوام ائدجییک. مسئول اولانلار عدالته تسلیم ائدیلمه‌لی‌دیر" شکلین‌ده تاماملادی.
استرالیا حکومتی ده، آمریکا، بؤیوک بریتانیا و فرانسانین سوریه رژیمینین شیمیایی سلاح سالدیریسی ایله باغلی هدفلرینی وورماسینی ممنونیتله قارشیلادیغینی آچیقلادی.
