ایسلام امکداشلیق تشکیلاتی سوریه رژیمینی قینادی
ایسلام امکداشلیق تشکیلاتی سوریه رژیمینین دوماداکی شیمیایی سلاح هوجومونو قینادی.
![ایسلام امکداشلیق تشکیلاتی سوریه رژیمینی قینادی](http://cdn.trt.net.tr/images/xlarge/rectangle/cff4/abb2/442a/5acb07ce4bb5e.jpg?time=1718753852)
ایسلام امکداشلیق تشکیلاتی سوریه رژیمینین دوماداکی شیمیایی سلاح هوجومونو قینادی.
ایسلام امکداشلیق تشکیلاتی-نین یازیلی بیاناتیندا بیلدیریلیب کی، اسد رژیمینین سوریه-نین پایتاختی دمشقه باغلی دوغو غوطه-نین دوما بؤلگهسینه تشکیل ائتدیگی شیمیایی سلاح هوجومونو قیناییریق. هوجوم سیویل لرین هلاکینا سبب اولوب. بو دا اولوسلار آراسی حقوقلا یاناشی ساده اینسانی اساسلارا دا ضیددیر. بونا گؤره ده محاربه و اینسانلیق جینایتیدیر.
بیاناتدا ایسلام امکداشلیق تشکیلاتی-نین باش کاتیبی یوسف بن احمد العثیمین ده سؤزلری یئر توتوب. باش کاتیب بشار اسدین یاشاییش منطقهلری و مدافعهسیز سیویل لرین ایستیقامتلی هوجوملارینی داوام ائتدیرمه سعیلرینی قینادیغینی بیلدیریب.
قئید ائدک کی، اسد رژیمینین دوغو غوطه-ده موخالیفتین نظارتیندکی سون بؤلگه اولان دوما قصبهسینده سیویل یاشاییش منطقهلرینه آوریلین 7-ده شیمیایی سلاحلا ائتدیگی هوجومدا 78 سیویل حیاتینی ایتیریب.