اوتریشده یاشایان 18 مین 500 تورک، دپورت ائدیلمک تهلوکهسی ایله قارشی-قارشییا
حکومت اورتاغی حدیندن آشیری ساغچی آزادلیق پارتیسی (FPÖ)، بو آداملاردان "تورک وطنداشی اولمادیقلارینی" ثبوت ائتمهلرینی ایستییر
![اوتریشده یاشایان 18 مین 500 تورک، دپورت ائدیلمک تهلوکهسی ایله قارشی-قارشییا](http://cdn.trt.net.tr/images/xlarge/rectangle/5b33/19f4/b718/5ac1e73ecf608.jpg?time=1718880020)
اوتریشده یاشایان 18 مین 500 تورک، دپورت ائدیلمک تهلوکهسی ایله قارشی-قارشییا.
حکومت اورتاغی حدیندن آشیری ساغچی آزادلیق پارتیسی (FPÖ)، بو آداملاردان "تورک وطنداشی اولمادیقلارینی" ثبوت ائتمهلرینی ایستییر.
هولندده یاییملانان Trouw قزئتینین خبرینه گؤره، تورک وطنداشی اولمادیغینی ثبوت ائدهمهیین اوتریش پاسپورتونو و بو اؤلکهدکی بوتون حاقلارینی ایتیرهجک.
اوتریشدکی تورکلری ناراحات ائدن گلیشمه، اؤتن ایل کئچیریلن آنایاسا دییشیکلیگی رفراندوموندان آز سونرا اورتایا چیخدی.
آشیری ساغچی آزادلیق پارتیسی، کیملیگی بیلینمهین شخصلرله، اوتریشده سس وئرن 95 مین تورک سئچیجینین آدلارینین یئر آلدیغی سیاهی گؤندریلیب.
آزادلیق پارتیسی، بو سیاهیدا عینی زاماندا اوتریش وطنداشی دا اولان سئچیجیلرین اولوب اولمادیغینی اؤیرنمک ایستهدی.
چونکی اوتریشده ایکیلی وطنداشلیق قاداغان.
آزادلیق پارتیسی، لیستهنی گؤچمنلیک ایدارهسینه گؤندریب.
آپاریلان تدقیقاتدا تورک کؤکنلی سئچیجیلرین اوتورما ایزنینه مالیک اولدوغو، 18 مین 500ونون ده اوتریش پاسپورتو داشیدیغی مویینلشدیریلیب.
اوتریش مقاملارینا گؤره بو شخصلر یقین کی ایکیلی وطنداش.
قاچقین بوروسو ایسه، 30 تورکون ایکیلی وطنداش اولدوغونو تصدیقلهییب.
ایندی ساغچی حکومت، اوتریش پاسپورتونا مالیک بو اون مینلرله اینساندان "تورک وطنداشی اولمادیقلارینی" ثبوت ائتمهلرینی ایستییر.
بونو رسمی اولاراق ثبوت ائده اوتریش وطنداشلیغینی ایتیرهجک و دپورت ائدیلمک ریسکی ایله قارشی-قارشییا قالاجاق.
اوتریش وطنداشی اولماق اوچون مراجعت ائدن هر کس، اوّلکی اویروغوندان ایمتیناع ائتمک مجبوریتینده.
آنجاق تورکیهدکی قانونلار، وطنداشلیقدان چیخان آداملارین بیر مدت سونرا یئنیدن تورک وطنداشلیغینا مراجعت ائتمهسینه ایجازه وئریر.
بیر چوخ تورک، میراث و مولک الده ائتمه کیمی مسئلهلرده پروبلم یاشاماماق اوچون آوروپا اؤلکهلرینده وطنداشلیق الده ائتدیکدن سونرا یئنیدن تورک وطنداشلیغینا کئچیر.
دپورت ائدیلمک تهلوکهسی قارشیسیندا قالان گؤچمنلرین ایشینه ناظیر ویانالی وکیل کاظیم ییلماز، تورک وطنداشی اولمادیغینی ثبوت ائتمگین غیری-مومکون اولدوغونو دئییر.
تورکیهنین، "وطنداش دئییل" دئیه بیر سند وئرمدیگینی قید ائدن ییلمازا گؤره، بو شخصلر یالنیز اوتریش وطنداشی.