امریکا خاریجی ایشلر ناظیرینین معاونی وس میچل کوزوو-دا
امریکا خاریجی ایشلر ناظیرینین معاونی وس میچل کوزوو-دا جمهور باشقانی هاشیم تاچی ایله گؤروشدو.
امریکا خاریجی ایشلر ناظیرینین معاونی وس میچل کوزوو-دا جمهور باشقانی هاشیم تاچی ایله گؤروشدو.
پایتاخت پریشتینا‌داکی آدم ژاشاری هاوا لیمانیندا باش توتان گؤروشدن سونرا میچل و تاچی بیرگه مطبوعات کنفرانسی کئچیردی‌لر.
میچل امریکانین کوزوو-ون یانیندا اولدوغونو و اولماغا داوام ائدجگینی بیل‌دیره‌رک، داعش باشدا اولماقلا تروریزمله موباریزه‌یه قارشی فعالیت گؤسترمک ایستدیک‌لرینی سؤیله‌دی.
کوزوو-نون موستقیل‌لیک‌دن سونرا سون 10 ایلده ایقتیصادی اینکیشاف یولوندا اهمیتلی ایرلیلییش‌لر الده ائتدیگینی دیله گتیرن میچل: "کوزوو باتییا دوغرو میلینی تأمینات آلتینا آلماق اوچون ایل عرضینده مهم آدیم‌لار آتما‌لی‌دیر" دئدی.
میچل گؤروشده سربست ویزا رژیمی مسئله‌سینده کوزوو-نون صربیستان ایله دیالوگ و مونته نگرو ایله سرحدلری‌نین معینلشدیریلمه‌سی مسئله‌لری‌نین ده موذاکیره اولوندوغونو بیل‌دیره‌رک: "کوزوو-نون تهلوکه‌سیزلیگی موضوع سوندا هئچ کیمین وتو حقوقو یوخ‌دور" دئدی.
میچل همچنین کوزوو-نون ایقتیصادی اینکیشافیندا قانونون عالی‌‌لیگی‌نین و یولسوزلوقلارا قارشی موباریزه‌نین بؤیوک اهمیت کسب ائتدیگینی ده دیله گتیردی.
کوزوو پرزیدنتی هاشیم تاچی ده امریکانین کوزوو-نون ایستراتژی طرفداشی اولماغا داوام ائدجگینی بیل‌دیره‌رک، اؤلکه‌نین میللی و اولوسلار آراسی سویه‌ده گوجلنمه‌سی اوچون آکتیو بیر شکیلده چالیشدیغینی قئید ائتدی.
صربیستان ایله موناسیبت‌لرین نورماللاشماسی ایستیقامتینده ایش آپاردیق‌لارینی دئین تاچی کوزوو-نون اراضی‌لری‌نین آلینماسینا، یا دا دییشیک‌لیگینه ایجازه وئرمه‌یه‌جگینی وورغولادی.
