کوسووودا پرئکاز قتل عامی 20-جی ایلینده آنیلیب

کوسووونون اورتا بؤلگه‌لرین‌دکی پرئکاز کندینده 1998-جی ایلده صرب گوجلری طرفین‌دن اؤلدورولن، کوسووا قورتولوش اوردوسونون قوروجو و قوموتانلارین‌دان آدم جاشاری‌نین ده آرا‌لاریندا اولدوغو 50دن چوخ اینسان قتل عامین 20-جی ایلده آنیلیب.

اوچک "داستانی" کیمی ده تانینان "پرئکاز سویقیریمی" موناسیبتیله پایتخت پریشتینا-داکی آدم جاشاری پایگاهیندا مراسیم کئچیریلیب.

مراسیمه، کوسووو پرزیدنتی هاشیم تاچی، باش ناظیر راموش هارادیناج، کوسووو امنیت گوجو ناظیری روستم بریشا، قوموتانی ژنرال رحمان راما، ناظیرلر، دیپلوماتیک نماینده‌لر، ژاشاری عائله‌سی‌نین عضو‌لری و کوسووولولار قاتیلیب.

پرزیدنت تاچی، چیخیشیندا، کوسووا قورتولوش اوردوسو داستانی‌نین 20-جی ایلی ایله اؤلکه‌نین موستقیل‌لیگی‌نین 10-جی ایلی‌نین کوسووو و وطنداش‌لاری اوچون تاریخی و خصوصی اهمیته مالیک اولدوغونو دئدی.

کوسووا قورتولوش اوردوسونون، اکرانی سایه‌سینده دموکراتیک دونیانین دستگینی آلا‌راق اؤلکه‌ده 1998-1999 ایللرین‌دکی سیاسی پروسه‌لرین رهبر گوجو اولدوغونو دیله گتیرن تاچی، بو کونتکست‌ده کوسووو امنیت گوجونون سیلاح‌لی گوجلره دییشدیریلمه‌سی‌نین آنایاسا دییشیک‌لیکله وئرمه‌سی لازیم اولدوغونو ایفاده ائتدی.

اؤلکه‌نین قانونی و مشروعیت حاق‌لارینا هئچ کیم شرط‌سیز وتو قویماسینا ایجازه وئرمیه‌جگینی وورغولایان تاچی،

کوسووو امنیت گوجونون اوزون مدتین اینکیشافی‌نین سونرا کوسووونون سیلاح‌لی گوجلره مالیک اولماسی‌نین، ناتو و اونون بین الخالق باریش گوجو( KFOR) ایله موکمّل طرفداش‌لیغی‌نین کوسوووداکی بوتون توپلولوق‌لارا عایید وطنداش‌لارین ماراغینا، کوسووو و بؤلگه‌نین امنیت ایله باریشین قاتقی وئرجگینه اینانیرام" دئیه دانیشدی.

کوسووودا، صرب و آلبان قوشون‌لاری آراسیندا محاربه‌نین داوام ائتدیگی 1998-جی ایلده، اؤلکه‌نین اورتا بؤلگه‌لرین‌داکی پرئکاز کندینده، کوسووا قورتولوش اوردوسونون قوروجولاریندان‌ آدم جاشاری‌نا یاناشی، عائله‌سی‌نین و بعضی قوناق‌لاری‌نین یئرلشدیگی ائو، آغیر سیلاح‌لارا مالیک صربیا گوجلری محاصیره ائدیلمیش و آتش آلتینا آلینمیشدی.

5-7  مارس 1998ده تشکیل اولونان سالدیری‌لاردا آرا‌لاریندا اوشاق و قادین‌لارین دا اولدوغو 50دن آرتیق آدام اؤلموشدو.