لاوروودان آمریکایا نوکلئر تنقیدی
روسیا دیش ایشلری ناظیری سئرگئی لاوروو آمریکایا، آوروپا اؤلکهلرینین سیلاحلی گوجلرینی روسیایا قارشی ایستیفاده ائتمک مقصدیله تاکتیک نوکلئر سیلاحلار قونوسوندا اگیتیم وئرمکله گوناهلاندیردی
![لاوروودان آمریکایا نوکلئر تنقیدی](http://cdn.trt.net.tr/images/xlarge/rectangle/b29f/7899/f3da/5a97a236a97d7.jpg?time=1719181565)
5
لاوروودان آمریکایا نوکلئر تنقیدی
روسیا دیش ایشلری ناظیری سئرگئی لاوروو آمریکایا، آوروپا اؤلکهلرینین سیلاحلی گوجلرینی روسیایا قارشی ایستیفاده ائتمک مقصدیله تاکتیک نوکلئر سیلاحلار قونوسوندا اگیتیم وئرمکله گوناهلاندیردی.
سوئیسدکی بیرلشمیش میللتلر تشکیلاتینین (بمت) ژنو اوفیسینده داوام ائدن سیلاح براخما کونفرانسیندا دانیشان لاوروو، دونیاداکی مورکّب شرایطده خصوصیله قلوبال و بؤلگهسل سویهده امنیتین و ثابیتلیگین تامین ائدیلمهسی اوچون سیستماتیک کوتلوی بیر چابایا احتیاج دویولدوغونو سؤیلهدی.
لاوروو، آمریکانین آوروپادا اولان ایستراتژی اولمایان نوکلئر سیلاحلارلا "نوکلئر سیلاحی بیراخما" مانع اولدوغونو بیلدیریب،
آمریکا اوردوسو آوروپا اؤلکهلرینین سیلاحلی گوجلرینی روسیایا قارشی ایستیفاده ائتمک اوچون تاکتیکی نوکلئر سیلاحلار موضوعسوندا اگیتیم ائدیر" ایفادهسینی ایستیفاده ائتدی.
آمریکانین ایکینجی دونیا ساواشیندا ژاپوندا ایستیفاده ائتدیگی آتوم بومباسینا ایستیناد ائدن لاوروو،
ایندی، آوروپا وطنداشلارینا اؤز تورپاقلاریندا، اونو ایستیفاده ائتمیش اولان تک دولت طرفیندن صاحب اولونان ان گوجلو کوتلوی قیرغین سیلاحلارینین یئرلشدیریلمهسینه یوخ دئمهلرینی اومید ائدیریک" شکلینده دانیشدی.
لاوروو نوکلئر سیلاح بوراخماسینین آچیق شکیلده بین الخالق گوندمین اساس مادهسینی تشکیل ائتمهیه داوام ائتدیگینی دیله گتیرهرک، اؤلکهسینین ایستراتژی سالدیری سیلاحلارینین آزالدیلماسینا قاتقی وئرهرک اوزرینه دوشن وظیفنی ائتدیگینی بیلدیریب.
سیلاح بوراخما کونفرانسیندا آمریکانی تمثیل ائدن سفیر روبرت ایسته، لاورووون تقصیرلندیرمهلرینه قارشی سؤز حاقی آلاراق،
بو دونیادا سهو گئدن هر بیر شئی اوچون آمریکانی گوناهلاندیران تیپیک روس آچیقلامالاریندان بیری. چوخلو قار یاغیشی سببیله ده بیزی هله ده گوناهلاندیرمادیلار تعجّوبلندیم. لاکین تئزلیکله او دا اولا" دئدی.
کونفرانسدا تورکیه آدیندان دانیشان خاریجی ایشلر ناظیرینین معاوینی، سفیر احمد اولدوز ایسه، تورکیهنین سون هدفینین "نوکلئر سیلاحلاردان تمیزلنمیش بیر دونیا" اولدوغونو وورغولایاراق،
نوکلئر سیلاحلارین قاداغان ائدیلمهسی موقاویلهسینین (NPT) قوسورسوز و اونیورسال شکیلده حیاتا کئچیریلمهسی بونون اوچون دوغرو بیر باشلانغیج نقطهسیدیر" ایفادهسینی ایشلتمیشدی.