لاوروف:" دوغو غوطه-ده اینسانی دهلیز آچیلیب"
روسیانین خاریجی ایشلر ناظیری سرگئی لاوروف سوریه-دا بشار اسد رژیمینین محاصرهسی آلتینداکی دوغو غوطه-ده اینسانی دهلیز آچیلدیغینی سؤیلهییب.
![لاوروف:" دوغو غوطه-ده اینسانی دهلیز آچیلیب"](http://cdn.trt.net.tr/images/xlarge/rectangle/f0e2/ca74/aead/5a968511f295e.jpg?time=1719121813)
روسیانین خاریجی ایشلر ناظیری سرگئی لاوروف سوریه-دا بشار اسد رژیمینین محاصرهسی آلتینداکی دوغو غوطه-ده اینسانی دهلیز آچیلدیغینی سؤیلهییب.
لاوروف ایندی نوبهده اینسانی یاردیملارا و سیویل لرین تخلیهسینه مانع اولان سلاحلیلارین بونا سون قویماسینین اولدوغونو ایفاده ائدیب.
لاوروف بونو ژنوده کئچیریلن بیرلشمیش میللتلر تشکیلاتینین (بمت) اینسان حقوقلاری شوراسینین 37-جی ایجلاسیندا دئییب.
ناظیر بیلدیریب کی، سوریه-نین سیویل لر اوچون تهلوکهلی اولان الطنف و روکبان بؤلگهلرینده سیغیناجاق دوشرگهلریندکی وضعیت پیسدیر.
لاوروف و امریکا باشچیلیغینداکی اولوسلار آراسی کوالیسیون بؤلگهنین هر بؤلگهسینه یاردیم چاتدیریلماسی اوچون چاغیریش ائدیب.
"کوالیسیونون عضولرینی الطنف و روکبان-داکی سیغیناجاق دوشرگهسی ده داخیل سوریه-ده نظارت ائتدیکلری بؤلگهلره دوغو غوطه-ده کینه اوخشار اینسانی یاردیم چاتدیرماغا دعوت ائدیریک" دئین لاوروف بمت و اولوسلار آراسی قیزیل خاچ کومیتهسی میسیونونون وضعیتی قیمتلندیرمهسی اوچون عاجیل اولاراق رقه-یه گؤندریلمهسینین واجیبلیگینی وورغولاییب.
لاوروف چیخیشیندا بوتون اؤلکهلری تروریستلر آراسیندا "یاخشیلار" و " پیسلر" اولاراق فرق قویماماغا چاغیریب.