روسیا بمت-نین قرارینی وتو ائتدی

روسیا بیرلشمیش میللتلرتشکیلاتینین یمنه ایستیقامت‌لی سلاح تحریمی ایله علاقه‌لی قراری ایرانین پوزماسینا دایر ناراحاتلیغین دیله گتیریلدیگی بمت تهلوکه‌سیزلیک شوراسی‌نین قرار لاییحه‌سینه وتو قویدو.

اینگیلتره طرفیندن حاضرلانان و بمت تهلوکه سیزلیک شوراسیندا سسه قویولان لاییحه‌نین روسیا ایله یاناشی موقتی عضو‌لردن بولیوی-ده علیهینه سس وئریب.

قرار لاییحه‌سی 11 اؤلکه‌نین سسینی گؤتورمه‌سینه باخمایا‌راق دایمی عضو روسیانین وتوسو سببین‌دن قبول ائدیلمه‌دی. چین و قازاخیستان ایسه بی طرف سس وئریب.

ایرانا قارشی ناراحات‌لیق‌لارین دیله گتیریلدیگی لاییحه‌یه وتو قویان روسیا شورادا اؤز رقیب لاییحه‌سینی سسه قویدو. ایران‌دان بحث ائتمه‌ین آنجاق یمن-ده حوثی لیدئرلرینه تطبیق ائدیلن سلاح تحریمینه نظارت ائدیلمه‌سی ایله راپور حاضیرلانماسین‌دان مسئول قروپون وظیفه مدتی‌نین 2019-جو ایل فوریه نین 26-دک اوزادیلماسینی طلب ائدن قرار قبول ائدیلدی.

قئید ائدک کی، بمت-نین تحریم کومیته‌سی سون راپوروندا ایرانین باللیستیک راکت‌لر، حربی تجهیزات و پیلوت‌سوز اوچوش آراجی تکنولوژیسی داخیل اولماقلا ایران سلاح‌لاری‌نین یمن‌دکی حوثی میلیس‌لرین الینه کئچمه‌سینه مانع اولا بیلمدیگینی قئید ائتمیشدی.