امانوئل ماکرون و آنگلا مرکل، ولادیمیر پوتین ایله گؤروشهجک
الیزا ساراییندان بیلدیریبلر کی، سوریهیه اینسانی یاردیم چاتدیرماق و خصوصیله رژیمین کئچیردیگی سالدیریلاردا وطنداشلارین اؤلدوگو شرق غوطهدن طیبی تخلیّه ائتمک اوچون بیرلشمیش میللتلر امنیت شوراسیندا بیر آیلیق اینسانی آتشکس قرارینین آلیندیغی خاطیرلادیلیب
فرانسا پرزیدنتی امانوئل ماکرون و آلمانیا باش ناظیر آنگلا مرکل، صاباحدان اعتباراً آتشکس قرارینین حیاتا کئچیریلمهسی و سوریهده باریشین تامین اولونماسی مسئلهلرینده روسیا پرزیدنتی ولادیمیر پوتین ایله گؤروشهجک.
الیزا ساراییندان بیلدیریبلر کی، سوریهیه اینسانی یاردیم چاتدیرماق و خصوصیله رژیمین کئچیردیگی سالدیریلاردا وطنداشلارین اؤلدوگو شرق غوطهدن طیبی تخلیّه ائتمک اوچون بیرلشمیش میللتلر امنیت شوراسیندا بیر آیلیق اینسانی آتشکس قرارینین آلیندیغی خاطیرلادیلیب.
بیاناتدا،
بو، لازیم اولان ایلک آددیم ایدی. گلهجک ساعت و گونلرده بو قرارین آچیق اولاراق تطبیق ائدیلمهسی مسئلهسینده سون درجه دقتلی اولاجاغیق. آتشکسه رعایت ائدیلمهسی لازیمدیر و اینسانی یاردیم کونوویلاری، شدت و قیتلیغا ان چوخ معروض قالان یاشاییش یئرلرینه گئجیکمهدن چاتسین. عاجیل طیبی تخلیه مانع اولمادان آپاریلمالیدیر" ایفادهلری ایستیفاده ائدیلدی.
آستانا پروسهسینین تمیناتچیلاری روسیا، تورکیه و ایران باشدا اولماقلا باغلی اؤلکهلرین هامیسینین، قرارین تامامیله حیاتا کئچیریلمهسی اوچون گلهجک گونلرده حرکته کئچمهسی لازیم اولدوغو ایفاده ائدیلن آچیقلامادا، فرانسا پرزیدنتی ماکرون و آلمانیا باش ناظیری مرکلین صاباحدان اعتباراً، آتشکس قرارینین حیاتا کئچیریلمهسی و سوریهده باریشین تامین اولونماسی مسئلهلرینده روسیا دولت باشقانی بوتون ایله گؤروشهجکلری بیلدیریلدی.
آچیقلامادا، بو بارهده فرانسا خاریجی ایشلر ناظیر ژان-یوس لی دریانین چرشنبه گونو روسیانین پایتاختی موسکوایا سفر ائدجگی قید ائدیلیب.