جیم متیس، پ.ی.د/پ.ک.ک منسوبلاری، دیگر بؤلگلردن عفرینه قایدیغینی اعتراف ائتدی
متیس، آوروپا سیاحتی زامانی ژورنالیستلره ترور اؤرگوتو داعش ایله موجادهله بارهده بیانات وئریب
![جیم متیس، پ.ی.د/پ.ک.ک منسوبلاری، دیگر بؤلگلردن عفرینه قایدیغینی اعتراف ائتدی](http://cdn.trt.net.tr/images/xlarge/rectangle/4cf9/747b/a3df/5a5067c77c602.jpg?time=1719275459)
آمریکانین ساوونما ناظیری جیم متیس، سوریهده، اؤلکهسینین دستکلدیگی و سوریه دموکراتیک گوجلری آدینی ایستیفاده ائدن بؤلوچو ترور اؤرگوتو پ.ی.د/پ.ک.ک اونسورلارینین بیر حیسهسینین، دیگر بؤلگلردن عفرینه قایدیغینی اعتراف ائتدی.
متیس، آوروپا سیاحتی زامانی ژورنالیستلره ترور اؤرگوتو داعش ایله موجادهله بارهده بیانات وئریب.
داعشه قارشی موباریزهنین سوریهده داوام ائتدیگینی دئین متیس، پ.ی.د/پ.ک.ک-نین لیدرلیگینی ائتدیگی سوریه دموکراتیک گوجلری ایچریسیندکی بعضی اونسورلارین عفریندکی عملیاتلار سببیله "نظرلرینین داغیلدیغینی" و بو بؤلگهیه قایدیغینی بیلدیریب.
جیم متیس بونلاری قید ائتدی:
"بوندان باشقا، حاضیردا عفرینده داوام ائتمکده اولان، دیقتی داغیتان بیر وضعیت وار. بو وضعیت سوریه دموکراتیک گوجلری ایچریسینده فایزی دقیق اولماماقلا بیرلیکده چوخونون دقتینی داغیتیر،آرکاداشلارینین عفرینده سالدیری آلتیندا اولدوغونو گؤرورلر و بو دا اونلارین دقتینین اورایا سوروشمهسینه سبب اولور. بعضی حاللاردا ایسه بعضی بیرلیکلر اورایا (عفرینه) گئتدی".
متیس همچینین، تورکیهنین سرحدلری ایچریسینده "سیلاحلی عصیانین" داوام ائتدیگی یگانه اؤلکه اولدوغونو قید ائدهرک، "تورکیهنین سوریه سرحدلرینه دایر قانونی امنیت قایغیلاری وار و بیز بونو زرره قدر اینکار ائتمیریک". دئدی.
متیس، ایستر ایسرائیل، ایسترسه لبنان، اوردون و یاخود تورکیه اولسون قانونی امنیت قایغیلاری داشییان اؤلکهلرین بو ناراحاتلیغینی باشا دوشدوکلرینی بیلدیریب.
پنتاگون داها اؤنجه بعضی سوریه دموکراتیک گوجلری منسوبلارینین قوّه یئر دگیشدیردیگینی دیله گتیرمیشدی، آنجاق بو وضعیت رسمی اولاراق ایلک دفعه تصدیقلنیر.