دونالد ترامپ، ایلک "بیرلیگین جلسه‌سی" دانیشماسینی ائدیب
دونالد ترامپ، باش‌لیجا اولا‌راق ایلک ایلینده اقتصادی آددیملاریندان بحث ائتدیگی چیخیشیندا خاریجی سیاست‌دن ترور تشکیلاتی داعشلا موباریزه‌یه قدر ایچ و خاریجی سیاستی ماراقلان‌دیران بیر چوخ موضوعدا اهمیت‌لی مساژلار وئریب
آمریکا‌نین پرزیدنت دونالد ترامپ، پرزیدنت مقامینا اوتوردوق‌دان سونراکی ایلک "بیرلیگین جلسه‌سی" دانیشماسینی ائدیب.
دونالد ترامپ، باش‌لیجا اولا‌راق ایلک ایلینده اقتصادی آددیملاریندان بحث ائتدیگی چیخیشیندا خاریجی سیاست‌دن ترور تشکیلاتی داعشلا موباریزه‌یه قدر ایچ و خاریجی سیاستی ماراقلان‌دیران بیر چوخ موضوعدا اهمیت‌لی مساژلار وئریب.
ترامپ، چیخیشیندا قوانتاناموداکی زیندانی‌نین آچیق قالماسی اوچون فرمان ایمضالادیغینی قید ائده‌رک،
بوگون بیر سؤزومو داها توتورام. ناظیر جیمس متیس‌ه نیظامی ساخلاما سیاستیمیزی یئنیدن نظردن کئچیرمک و قوانتانامو کؤرفزین‌دکی زیندانین آچیق ساخلاماق دستورونو وئرن بیر پرزیدنت فرمانی ایمظالامیشام" ایفاده‌لرینی ایستیفاده ائتدی.
ترامپ، ترور تشکیلات‌لاری داعش و القاعده ایله موباریزه‌ده ایسه کونگره دستگینی طلب ائدیب.
دونالد ترامپ، تروریستلری دونیانین هر یئرینده توتماغا داوام ائده‌جک‌لرینی سؤیله‌دی.
آمریکا‌لی‌لارین زنگین‌لیک‌لرینی ایللر ایچری‌سینده ایتیردیک‌لرینی بیل‌دیرن ترامپ، بونو ایستر ایقتیصادی، ایسترسه ده آلت یاپی سرمایه‌لری موضوعسوندا چوخ سرعت‌لی تکرار قازاناجاقلارینی بیلدیریب.
آمریکا پرزیدنت ترامپ، 2 یاریم میلیون ایستیخدام یارادیلدیغینی و ایشسیزلیگین سون 45 ایلین ان آشاغی سویه‌سینه ائندیگینی دئییب.
ترامپ بون‌دان باشقا، کوچمن‌لرین آمریکایا گلمه‌لرینی ماراقلان‌دیران قانون‌لارلا باغلی بیر چوخ دوزنلمه وعدینی ده یئرلشدیگی چیخیشیندا 4 آددیم آلتیندا "کؤچمنلیک اصلاحاتی" کئچیرجگینی بیلدیردی.
