بیرلشمیش میللت‌لر امنیت شوراسی، سوریه‌ده شیمیایی سیلاح ایستیفادهسینی گؤروشمک اوچون توپلانیب
آمریکانین بمت دایمی نماینده‌سی نیکی هیلی، روسیا، شیمیایی سیلاح‌لاری دانیشماق اوچون بمت امنیت شوراسینی توپلاما‌دان اوّل گوزگویه باخما‌لی" قیمتلندیرمه‌سینی ائدیب
بیرلشمیش میللت‌لر امنیت شوراسی، روسیانین طلبی ایله سوریه‌ده شیمیایی سیلاح ایستیفادهسینی گؤروشمک اوچون توپلانیب.
روسیانین، فرانسانین پایتختی پاریس‌ده دونن کئچیریلن ایجلاسدا شیمیایی سیلاح ایستیفاده‌سی‌نین جزا‌سیز قالماماسی اوچون یارادیلان اولوسلار آراسی طرفداشلیغین آردیندان بیرلشمیش میللت‌لر امنیت شوراسینی توپلانتی‌‌یا چاغیرماسی دقتی چکدی.
روسیانین بمت دایمی نماینده‌سی نبنزیا، شورادا چیخیشیندا، آمریکانین روسیانین سوریه‌ده شیمیایی سیلاح ایستیفاده آراشدیرماسینا قارشی چیخدیغی باره‌ده اتهام‌لاری رد ائتدی.
نبنزیا، روسیانین شیمیایی سیلاح اوره‌تیمی و ایستیفاده‌سینه قارشی اولدوغونو دیله گتیردی.
سوریه باشدا اولماقلا یاخین شرق‌دکی شیمیایی سیلاح ایستیفاده ائتمه‌سی ترورون‌دان ناراحات اولدوق‌لارینی وورغولایان نبنزیا، وظیفه مدتی دولان بمت میسیونونون سوریه‌ده شیمیایی سیلاح ایستیفادهسینی آراشدیرماسی‌نین اوغورسوز اولدوغونو و سیاسی مانیپولاسیون اوچون بیر مکانیزم حالینا چئوریلدیگینی ایره‌لی سوردو.
آمریکا و اینگیلتره‌نین "هئچ بیر ثبوت اولما‌دان و سوروشدورما آپاریلما‌دان شرق گوتاداکی شیمیایی سیلاح ایستیفاده ادعالاریندان سوریه حکومتینی مسئول توتدوغونو" دئین نبنزیا،
روسیا، سوریه‌ده شیمیایی سیلاح ایستیفاده ائدن‌لرین بلیرلنمه‌سی اوچون شفاف و اعتبارلی منبع‌لردن گلن معلومات‌لارلا سوروشدورما آپارا‌جاق اولوسلار آراسی یئنی بیر مکانیزم یارادیلماسینی تکلیف ائدیر" دئدی.
آمریکانین بمت دایمی نماینده‌سی نیکی هیلی ایسه، روسیانین سوریه‌ده شیمیایی سیلاح ایستیفادهسینی آراش‌دیران بمت میسیونونون وظیفه مدتی‌نین اوزادیلماسینی اوچ دفعه وتو ائتدیگینی خاطیرلادا‌راق،
روسیا، شیمیایی سیلاح‌لاری دانیشماق اوچون بمت امنیت شوراسینی توپلاما‌دان اوّل گوزگویه باخما‌لی" قیمتلندیرمه‌سینی ائدیب.
روسیانین سوریه‌ده اؤز خالقینا قارشی شیمیایی سیلاح ایستیفاده ائدن رژیمی قوروماغا داوام ائتدیگینی بیل‌دیرن هیلی، فرانسادا شیمیایی سیلاح ایستیفاده‌سی‌نین جزا‌سیز قالماماسی اوچون یارادیلان اولوسلار آراسی طرفداش‌لیغی ممنونیتله قارشیلادیق‌لارینی بیلدیریب.
روسیایا قارشی آغیر تنقیدلرینی داوام ائتدیرن هیلی،
روسیانین، حقیقته چاتماغیمیزا مانع اولان، موستقیل و طرف‌سیز اولماسی لازیم اولان بیر سوروشماغی سیاسیلشتیرن هئچ بیر تکلیفینی قبول ائتمیه‌جگیک. روسیا یاخشی نیتله بو مقصده یؤنه‌لیک بیزیمله ایشلمک ایستییرسه موستقیل و طرف‌سیز بیر مکانیزم اولان اورتاق سوروشدورما میسیونونو (JIM) یئنیدن یارادا بیلریک. اورتاق سوروشدورما میسیونو خاریجینده باشقا بیر مکانیزم قبول ائدیلمز. آمریکا و اولوسلار آراسی توپلوم بونا آلدانمایاجاق" دئیه دانیشدی.
