آوروپا بیرلیگیندن قوزئی کوره‌یه یئنی تحریم
آوروپا بیرلیگی کونسئی،نوکلئر و بالیستیک موشک فیرلادان قوزئی کوره‌یه، بیرلشمیش میللت‌لر امنیت شوراسی‌نین قرارلاری ایله اویغون علاوه تحریم قراری آلدیغینی آچیقلادی
آوروپا بیرلیگی کونسئی،نوکلئر و بالیستیک موشک فیرلادان قوزئی کوره‌یه، بیرلشمیش میللت‌لر امنیت شوراسی‌نین قرارلاری ایله اویغون علاوه تحریم قراری آلدیغینی آچیقلادی.
بو چرچیوه‌ده، قوزئی کوره‌یه تطبیق اولونان آییریجی تدبیرلر چرچیوه‌سینده 16 نفر و 1 تشکیلات داها آوروپا بیرلیگی‌نین تحریم لیسته‌‌سینه علاوه اولوندو.
آچیقلامادا، آوروپا بیرلیگی‌نین علاوه تحریم لیسته سینده مال وارلیق‌لاری دوندورولموش و ویزا یاساغی گتیریلمیش بیرلشمیش میللت‌لر تشکیلاتی قراری اویغون 54 قوروم و 79 نفر اولدوغو، علاوه اولا‌راق آوروپا بیرلیگی‌نین اؤز لیسته‌سینده قوزئی کوره‌دن 41 شخص و 10 شیرکته داها تحریم تطبیق ائتمکده اولدوغو دا بیلدیریلیب.
آوروپا بیرلیگی‌نین قوزئی کوره‌یه قارشی ایلک تحریم‌لاری 2006-جی ایلده باشلامیشدی.
داها اوّل ائدیلن آچیقلامادا، قوزئی کوره‌یه تطبیق اولونا‌جاق علاوه تحریم‌لر چرچیوه‌سینده، اؤلکه‌یه تسویه ااولونموش نفت محصول‌لاری و خام نفت ساتیشی ایله آوروپا بیرلیگی یاتیریم‌لاری تامامیله قاداغان اولونموشدو.
بون‌دان باشقا، آوروپا بیرلیگی اؤلکه‌لرینده چالیشان قوزئی کوره وطنداش‌لاری‌نین اؤلکه‌لرینه گؤندره‌جک‌لری ایشچی ارز 15 مین یورودان 5 مین یورویا آلچالدیلمیش، آوروپا بیرلیگی اؤلکه‌لرینده یئرلشن قوزئی کوره وطنداش‌لاری‌نین چالیشما ایجازه‌لری‌نین تکرار اولونماماسینا ده قرار وئریلمیشدی.
