آلمانیادا، تخمینن هر ایکی نفردن بیری آنگلا مرکلین باش ناظیر قالماسیندان یانا
آلمان خبر آژانسی DPA-نین YouGov آراشدیرما شیرکتینه ائتدیردیگی سورغویا قاتیلانلارین یوزده 47سینین، خریستیان دموکرات بیرلیک (CDU) عمومیتله صدری آنگلا مرکلین 4 ایلی دولدورمادان وظیفهسینی بیراخماسینی ایستیرکن، یوزده 36سینین ایسه مرکلین 4 ایلینی تاماملا
![آلمانیادا، تخمینن هر ایکی نفردن بیری آنگلا مرکلین باش ناظیر قالماسیندان یانا](http://cdn.trt.net.tr/images/xlarge/rectangle/efea/82da/f655/5a448d64accb5.jpg?time=1719068626)
آلمانیادا، تخمینن هر ایکی نفردن بیری آنگلا مرکلین باش ناظیری ارکن بیراخماسیندان یانا.
آلمان خبر آژانسی DPA-نین YouGov آراشدیرما شیرکتینه ائتدیردیگی سورغویا قاتیلانلارین یوزده 47سینین، خریستیان دموکرات بیرلیک (CDU) عمومیتله صدری آنگلا مرکلین 4 ایلی دولدورمادان وظیفهسینی بیراخماسینی ایستیرکن، یوزده 36سینین ایسه مرکلین 4 ایلینی تاماملا یانا اولدوغو ایفاده ائدیلیب.
19-21 دسامبر آراسیندا 2 مین 36 نفرله آپاریلان سورغودا قاتیلانلارا، باش ناظیر آنگلا مرکل لیدرلیگینده یئنی حکومت قورولماسی حالیندا مرکل 4 ایل باش ناظیر قالسین، یوخسا وظیفهسینی داها تئز بوراخسین؟ سوالی یؤنلدیلیب.
سورغویا گؤره، خریستیان بیرلیک پارتیلری (CDU/CSU) سئچیجیلرینین یوزده 17سی مرکلین 4 ایلی دولدورمادان وظیفهدن گئتمهسی، یوزده 75ی ایسه 2021-جی ایله قدر بو وظیفهنی داوام ائتدیرمهسی ایستیقامتینده فیکیر بیلدیردی.
آلمانیادا 24 سپتامبردا کئچیریلن پارلامنت سئچیملرینین آردیندان 18 اوکتوبردا CDU/CSU، آزاد دموکرات پارتی (FDP) و یاشیللار آراسیندا "جامایکا کوالیسیونونون قورولماسی مقصدیله باشلایان اؤن دانیشیقلار، 20 نوامبردا FDPنین ماسادان قالخماسی سببیندن اوغورسوزلوقلا نتیجهلنمیشدی.