اینگیلتره و روسیا آراسیندا گرگین‌لیک داوام ائدیر

اینگیلتره مدافعه ناظیرلیگیندن وئریلن معلوماتدا قوزیی دنیزینده اوزن روسیایا عاید "آدمیرال خروشچف" دؤیوش گمی‌سی‌نین تعقیب ائدیلدیگی بیلدیریلیر.

معلوماتدا نوئل بایرامی زامانی روسیا دونانماسی‌نین اینگیلتره یاخین‌لارینداکی سولاردا حرکت‌لی‌لیگی‌نین آرتدیغی دئییلیر.

قئید ائدک کی، اینگیلتره خاریجی ایشلر ناظیری بوریس جانسون 22 دسامبرداکی مسکو سفرینده روسیانی باشقا اؤلکه‌لرین سئچیم پروسئس‌لرینه موداخیله ائتمکله گوناهلاندیرمیشدی.