آمریکانین ایسته‌دیگی اولمادی
دونالد ترامپین قدسو ایسراییلین باشکندی اعلان ائتدیگی ۶ دسامبر تاریخ‌لی قراری یوخ حؤکمون‌ده قالدی
آمریکا، بیرلشمیش میلتلر تشکیلاتینین باش قورولوندا دا یالنیز قالدی.
باش قورول، تورکیه‌نین گیریشیملری ایله حاضرلانان و آمریکا پرزیدنتی دونالد ترامپین قدس قرارینی تنقید ائد‌ن، قدسون ایستاتوسونا دایر "ایسراییلین ایشغال آلتین‌داکی دوغو قدس و فلسطین تورپاقلارین‌داکی فعالیتی" آدلی لایحه‌نی اویلاماق اوچون اؤزل اوتوروملا توپلاندی.
تورکیه‌نین گیریشیمی ایله، گوونلیک شوراسیندان سونرا باش قورولا آپاریلان لایحه، ۹ اوبا قارشی ۱۲۸ اویلا قبول ائدیلدی.
ترامپین، ایسراییلین باشکندی قدس قرارینا ۳۵ اؤلکه ده طرفسیز قالدی.
دونالد ترامپین قدسو ایسراییلین باشکندی اعلان ائتدیگی ۶ دسامبر تاریخ‌لی قراری بئله‌لیکله، یوخ حؤکمون‌ده قالدی.
ترامپ، آمریکا ائلچیلیگینین ایسراییلین باشکند تل آویودن قدسا داشینماسی امر وئردیگینی ده آچیقلامیشدی.
آنجاق بیرلشمیش ملتلر قطعنامه‌لرینه ضد بو وضعیت، دونیادا قارشیلیق گؤرمه‌دی.
گوونلیک شوراسیندان سونرا گئچن آخشام باش قورولدا دا آلینان بو نتیجه ایله، ترامپ رهبرلیگی، اویلاما اؤنجه‌سی سوووردوغو بوتون تهدیدلره باخمایاراق، قدسون ایستاتوسو مسئله‌سین‌ده یالنیز قالدی.
