قوزئی کوره، آمریکا ایله نوکلئر پروگرامینی موذاکیره ائتمیهجگینی آچیقلاییب
قوزئی کوره رهبرلیگینین آمریکا ایله نوکلئر پروقرامی موذاکیره ائتمیهجگینی، بونو بیرلشمیش میللتلر (بمت) امنیت شوراسینین پیونگ یانگ اوزرینده یئنی تحریملر تطبیق ائتمهسینه یؤنهلیک بیر آددیم اولاراق گؤردوگونو بیلدیریب
قوزئی کوره، آمریکا ایله نوکلئر پروگرامینی موذاکیره ائتمیهجگینی آچیقلاییب.
قوزئی کوره ایشچی پارتیسینین رسمی قزئتی رودونگ سینمون، قوزئی کوره رهبرلیگینین آمریکا ایله نوکلئر پروقرامی موذاکیره ائتمیهجگینی، بونو بیرلشمیش میللتلر (بمت) امنیت شوراسینین پیونگ یانگ اوزرینده یئنی تحریملر تطبیق ائتمهسینه یؤنهلیک بیر آددیم اولاراق گؤردوگونو بیلدیریب.
رودونگ سینموندا یئر آلان آچیقلامادا بو ایفادهلره یئر وئریلدی:
آمریکا، سالدیرقان اوصلوبو ایله کوره یاریماداسینداکی گرگینلیکدن بیزی مسئول توتماغا چالیشیر. نوکلئر سیلاحلارین ترک ائدیلمهسینی ایستهین موذاکیرهلری قبول ائتمدیگیمیز تقدیرده دنیز بلوکاداسینی دا ایچهرن یئنی بیر بیرلشمیش میللتلر امنیت شوراسی قرارینی تشویق ائتمک عذره آددیملار آتیلیر. نوکلئر گوجوموزو آرتیرماق ایستیقامتینده یئریمیزدن بیر میلیم بئله دؤنمهیهجک شکیلده موقعیتیمیزی قورویوروق".
آچیقلاما، آمریکا خاریجی ایشلر ناظیری رکس تیلرسونون قوزئی کوره ایلکین شرطسیز موذاکیرهیه حاضیریق بیاناتینی ائتمهسیندن سونرا گلیب. تیلرسون، بو آچیقلاماسیندان گونلر سونرا، قوزئی کوره اوزریندکی ایقتیصادی و سیاسی تضییقین داوام ائتدیریلمهسی لازیم اولدوغونو آچیقلامیشدی.
بو آرادا، آمریکا باشقانی دونالد ترامپین دونن آچیقلادیغی یئنی میلی امنیت ایستراتژیسی سندینده، قوزئی کورهنین نوکلئر سیلاحلارلا میلیونلارلا آمریکانی اؤلدورمک ایستدیگی ایرهلی سورولموشدو.
قوزئی کوره موشک ایله آتیلان شیمیایی و بیولوژی سیلاحلارین ایزینده" ادعاسیندا اولان سندده آمریکانین موشک سالدیریلاریندان قوروماق مقصدیله قوزئی کوره و ایرانا یؤنوملو بیر موشک ساوونما سیستمی یئرلشدیرجگی قید ائدیلمیشدی.