بیرلشمیش میللتلر-ده قودس اوچون آمریکا وتوسو
سسوئرمهده شورانین 15 عضووندن 14ونون خیر سس وئرمهسی، آمریکانین تک طرفلی قودس قرارینین اولوسلار آراسی توپلومدا دستک تاپمادیغینی اورتایا قویدو
![بیرلشمیش میللتلر-ده قودس اوچون آمریکا وتوسو](http://cdn.trt.net.tr/images/xlarge/rectangle/5e1a/aaf8/4f1e/5a38b5cb42982.jpg?time=1718907715)
3
تورکیهنین رهبرلیگی آلتیندا مصر طرفیندن بیرلشمیش میللتلر امنیت شوراسی گوندمینه گتیریلن قودس لاییحهسینین سسوئرمهسینده تک علیهینه سس وئرن آمریکا، 15 شورا عضوو آراسیندا تک قالدی.
سسوئرمهده شورانین 15 عضووندن 14ونون خیر سس وئرمهسی، آمریکانین تک طرفلی قودس قرارینین اولوسلار آراسی توپلومدا دستک تاپمادیغینی اورتایا قویدو.
سسوئرمهنین کئچیریلدیگی ایجلاسدا سؤز آلان آمریکانین بیرلشمیش میللتلر دایمی نمایندهسی نیکی هلی، آمریکا پرزیدنتی دونالد ترامپین آچیقلادیغی قودس قرارینی مدافعه ائدرکن، موجود موقعیتلرینی قورویاجاقلارینی دیله گتیردی.
فیلسطینین بمت-دکی دایمی نمایندهسی ریاض منصور دا جلسهدکی چیخیشیندا، "بو قرار قودسله باغلی هئچ بیر شئیی دییشدیرمهیهجک. قودس هر زامان فیلسطینین اوریی اولاراق قالماغا داوام ائدهجکدیر". شکلینده دانیشدی.
آمریکانین قرارینی "تحریک ائدیجی" دئیه قیمتلندیرن منصور، سؤز قونوسو قرارین بوگونکو سس وئرمه بیر داها اولوسلار آراسی توپلومون نظرینده رد ائدیلدیگینی بیلدیریب.
مصرین بمت دایمی نمایندهسی عمرو عبدالطیف ابوالعطا ایسه لاییحهی نیه گوندمه گتیردیکلرینی آچیقلادی و آمریکانین قودسون یئکون ایستاتوسونا تأثیر ائدهجک بو آددیمینین قبول ائدیلمز اولدوغونو دیله گتیردی.
بنزر شکیلده بؤیوک بریتانیانین بمت-دکی دایمی نمایندهسی متیو ری کرافت دا ائتدیگی آچیقلامادا، آمریکانین آددیمینین ایکی دولتلی حلّی اولدوقجا چتینه سالدیغینی و قودسون یئکون ایستاتوسو ایله باغلی بیر چوخ پروبلمه یول آچاجاغینی قید ائدیب.
فرانسانین بمت-دکی دایمی نمایندهسی فرانسوا دولاتر، "قودس، فیلیسطین ایله ایسرائیل آراسیندا باریشین آچاریدیر. قودس اوزرینده بیر راضیلاشما اولمادان، بو ایکی دولت آراسیندا بیر سازیش ائتمک اولماز". قیمتلندیرمهسی ائدیب.
بیرلشمیش میللتلر امنیت شوراسینا تقدیم اولونان و "آمریکانین قودسو ایسرائیلین پایتختی قبول ائتدیگی" قرارین علاقهدار بیرلشمیش میللتلر تشکیلاتینین (بمت) قرارلارینا ضد اولماسی سببیله حوقوقن "گئچرسیزساییلماسینی" نظرده توتان تاساری،آمریکا طرفیندن وتو قویولموشدو.
سس وئرمهده آمریکا، 15 عضو آراسیندا علیهینه سس وئرن یگانه اؤلکه اولاراق تک قالمیشدی.
شرق قودسو 5 ژوئن 1967ده ایشغال ائدن ایسرائیل، 1980ده تک طرفلی اولاراق شهرین شرقینی و غربینی "بیرلشمیش پایتختی" اعلان ائتدی.
بیرلشمیش میللتلر امنیت شوراسی 1980ده قبول ائتدیگی 478 سایلی قرارلا، ایسرائیلین ایلحاق و پایتخت اعلانینی اعتبارسیز سایدی.
بمگک قراری چرچیوهسینده، آمریکا، او جملهدن اولوسلار آراسی جمعیت شرقی قودسون ایشغال آلتیندا اولدوغونو قبول ائدیر.
ایسرائیل حاکمیتینی تانییان بوتون اؤلکهلرین سفیرلیکلری تل آویوده یئرلشیر. هئچ بیر اؤلکه، قودسو، یا دا شرق و غرب حیسهلرینی پایتخت کیمی قبول ائتمیر.