آمریکا، بئشینجی نسیل اف-35 ساواش اوچاق‌لارینی دنده دی
تجروبیله باغلی آیرینتی‌لار، ساوونما شیرکتی نورتروپ گرومانین محدود سایدا آمریکا مئدیاسین‌دان ژورنالیست‌لره بیر تقدیماتدا اورتایا چیخدی
آمریکا ایله شما‌لی کوره آراسین‌داکی قارّه‌لر آراسی بالیستیک موشک گرگین‌لیگی داوام ائدرکن، آمریکا موشک ساوونما آژانسی، بئشینجی نسیل اف-35 ساواش اوچاق‌لارینی قارّه‌لر آراسی بالیستیک موشک‌لری تقیب ائتمک اوچون ده ایستیفاده ائتمک عذره دئنئمهلر ائتدی.
تجروبیله باغلی آیرینتی‌لار، ساوونما شیرکتی نورتروپ گرومانین محدود سایدا آمریکا مئدیاسین‌دان ژورنالیست‌لره بیر تقدیماتدا اورتایا چیخدی.
آمریکان مئدیاسیندا یئر آلان خبرلرده، نورتروپ گرومانین مریلند ایالتیندن‌دکی اوفی‌سینده کئچیریلن ایجلاسدا، 2014ده آمریکا موشک علیهینه ساوونمل آژانسی‌نین آپاردیغی تجروبه‌نین ماتریال‌لاری‌نین گؤستریلدیگی ایفاده ائدیلیب.
خبرلرده، 2014 اوکتوبر آییندا کئچیریلن تجروبه‌ده اف-35 ساواش‌نین موختلیف نقطه‌لرینه یئرلشدیریلمیش 6 DAS (Distributed Aperture System) آدی وئریلن قیزیل اؤتسی الکتروپتیک سنسورلارین بالیستیک موشک‌لری ده تعقیب ائدیب ائتمیه‌جگی تست ائدیلدیگی قید اولونوب.
DAS آدی وئریلن سنسور سیستمی، پیلوت‌لارین کاسکا برکیتمیش گؤستریجی‌لردن 360 درجه اطرافیندا ساواش و یا موشک‌لری آشکار اولونماسینا یاراییر.
تجروبه‌ده اف-35 ساواش‌لاری‌نین قارّه‌لرآراسی بیر بالیستیک موشکی تقیب ائدیب یئرده چیخیش‌لی موشک ساوونما سیستم‌لرینه اوزونه یاخین کوردینات وئردیگی آشکار ائدیلدیگی قید ائدیلیب.
آمریکا موشک ساوون سیستم‌لری سیناق‌لاردا موفقیت‌لی اولموش اولسا دا قارّه‌لر آراسی بالیستیک موشک‌لری قطعی بیر اصابت ایله دوشورولمه‌سی‌نین شوبهه‌لی اولدوغو ایفاده ائدیلیر.
آمریکا ساوونما ناظیرلیگی (پنتاگون) شما‌لی کوره‌نین قاره‌لرآراسی موشک‌لری وورولمانین ان یاخشی یولونون آتیلدیق‌دان سونرا یوکسلمه مرحله‌سینده وورولماسی‌نین ان یاخشی واریانت اولدوغونو دوشونسه ده شما‌لی کوره‌نین هاوا ساوونما سیستم‌لری‌نین بئله بیر موداخیله‌یه ایمکان وئرمیه‌جگی بیلدیریلیر.
بونا گؤره ده پنتاگونون داها فوتوریست (گله‌جکچی) گؤروشلری سینادیغی ایره‌لی سورولور.
