پنتاگونون گیزلی اوفو پروقرامی اورتایا چیخدی
آمریکا ساوونما ناظیرلیگینین (پنتاگون)، کونگرهنین تعلیماتی ایله تانینمایان اوچان جیسیملری (اوفو) آراشدیران اؤزل پروقرامی اولدوغو اورتایا چیخدی
آمریکا ساوونما ناظیرلیگینین (پنتاگون)، کونگرهنین تعلیماتی ایله تانینمایان اوچان جیسیملری (اوفو) آراشدیران اؤزل پروقرامی اولدوغو اورتایا چیخدی.
پولیتیکو درگیسینین خبرینده، 10 ایل اوّل باشلانیلان گلهجک کوسمیک تهدیدی تعیین ائتمه پروقرامینین گیزلی اولمادیغی، اما حاقیندا چوخ آز سایدا رهبرلیگینین خبردار اولدوغو بیلدیریلدی.
پروقرام، سناتوداکی دموکرات چوخلوغونون لیدری هری رید-ین تشببوسو ایله باشلانیلیب.
سناتور، پروقرام اوچون بودجه آیریلماسینی تامین ائتدی.
رید، گلهجک کوسمیک تهدیدی تعیین ائتمه پروقرامینی باشلاما احتیاجینین، یقین کی، چین و یا روسیا کیمی بیر گوجون آمریکا اوچون تهلوکه یاراداجاق یئنی نسیل تکنولوژی اینکیشاف ائتدیرجگیندن قایناقلاندیغینی سؤیلهدی.
پروقرام چرچیوهسینده، هاوادا غیری-عادی فاکتلارلا قارشیلاشدیغینی ادعا ائدن پیلوت و دیگر چالیشانلارین ایفادهسینین آلینماسی پروسهدورو اینکیشاف ائتدیریلمیشدی.
بوتؤولوکده پروقرام اوچون 22 میلیون دولار خرجلنیب. بو پولو ساحه کوسموس تکنولوژیلری شیرکتی Bigelow Aerospace-ین، منتظم اولاراق رید-ین یئنیدن سئچیلمهسی اوچون باغیش وئردیگی اورتایا چیخدی.
پنتاگون سؤزچوسو دانا وایت، پولیتیکویا آچیقلاماسیندا بئله بیر پروقرامین اولدوغونو تصدیقلهدی، اما 2012ده باغلانیلدیغینی سؤیلهدی.
وایت، "مالیلشدیرمه حاق ائدن داها اؤنجهلیک پروبلملرین اولدوغونا قرار وئریلیب" دئدی.